Qazaqstandyqtardyń ortasha jalaqysy 21,1 paıyzǵa ósti - Statıstıka agenttigi

«2011 jylǵy naýryzda bir qyzmetkerdiń ortasha aılyq ataýly jalaqysy 87470 teńgeni qurady jáne ótken jylǵy tıisti aımen salystyrǵanda 21,1%-ǵa, naqty kóriniste - 11,5%-ǵa ósti», - delingen habarlamada.

Salalyq qurylymda jalaqynyń eń úlken mólsheri ken óndirý ónerkásibi jáne karerlerdi qazýda 198,2 myń teńge (ortasha respýblıkalyq deńgeıden 2,3 ese) belgilendi, qarjy jáne saqtandyrý qyzmetinde - 171,9 myń teńge (2,0 esege asady) kásibı, ǵylymı jáne tehnıkalyq qyzmetinde - 170,7 myń teńge (1,9 ese). Eń tómengi jalaqy aýyl, orman jáne balyq sharýashylyǵyndaǵy qyzmetkerlerinde saqtalýda - 33,8 myń teńge, bul el boıynsha orta kórsetkishten 61,3%-ǵa tómen.

Óńirlik bóliniste eń joǵary jalaqy Mańǵystaý oblysynda - 182,6 myń teńge, bul ortasha respýblıkalyq kórsetkishten 2,1 esege asady. Jambyl oblysynda munyń shamasy 55,5 myń teńgeni qurady, bul el boıynsha ortasha deńgeıden 36,5%-ǵa tómen.