Qazaqstandyqtardyń Ońtústik polıýstegi alǵashqy shańǵy ekspedıtsııasy bastaldy
ASTANA. QazAqparat - Antarktıdanyń ıÝnıon-Gletcher bazasynda jer sharynyń Ońtústik polıýsindegi alǵashqy qazaqstandyq shańǵy ekspedıtsııasy bastaldy. Bul týraly «Qazaq geografııalyq qoǵamy» QB baspasóz qyzmeti habarlady.
Qazaqstandyq shańǵyshylar ıÝrıı ıÝshın, Іlıas Ǵalymbekov pen zertteýshi-medıtsına mamany Dáýlet Sharıpov mejeni baǵyndyrmas buryn, shańǵymen 217 shaqyrymdy júrip ótedi. Topty qazaqstandyq shyńǵa órmeleýshi jáne saıahatshy Maǵjan Saǵymbaev basqarady. Osylaısha, Qazaqstannyń Táýelsizdik kúni memlekettik týymyz Antarktıdanyń eń bıik núktesi- Vınson shyńyna (4892 m) tigilgesin, Qazaq geografııalyq qoǵamy «Táýelsizdik Polıýsi» ǵylymı zertteý ekspedıtsııasynyń ekinshi kezeńine - Ońtústik polıýske shańǵymen barýǵa bel býdy. Bastaý núktesine deıin ushaqpen 6 saǵat jol júrip, Antarktıkanyń eń bıik shoqysy - Muz polıarlyq qaqpaǵynan ushyp ótti.
Ekspedıtsııa músheleri mejege deıin aýa-raıy qolaıly bolsa, 10 kúnde baramyz dep otyr. Qatysýshylar ózderimen birge barlyq kerekti jabdyqtaryn alyp keldi. Olar kún saıyn 20 shaqyrym jol júrýdi josparlaýda. Shańǵyshylardyń is-áreketterin www.kazgeo.kz saıtynda tikeleı onlaın kórsetilim arqyly baqylaýǵa bolady. 
«Bizge Ońtústik polıýste aýa-raıynyń jaqsarǵany týraly habarlama kelip tústi. 10:30-da barlyq qural-jabdyqtarymyzdy jınap, ushaqqa otyrdyq. Alaıda, tehnıkalyq máselelerge oraı ushýdy jarty saǵatqa shegerdik. Barlyǵy durystalǵasyn ushtyq. 2 saǵat 15 mınýttan soń ushaqqa janarmaı quıý úshin toqtap, 88 gradýsta saparymyzdy jalǵastyrdyq. Ushaqtan túskesin, appaq qar men máńgilik kúnge keziktik. Qazirge deıin 7,6 shaqyrym jol júrdik. Marshrýt kezinde jel boldy, biraq aýa-raıy oıdaǵydaı», - dep habarlady ekspedıtsııa tobynyń jetekshisi, Astana qalasyndaǵy QazaqGeography óńirlik ókildiginiń basshysy Maǵjan Saǵymbaev. 
Bul QazGeonyń úshinshi polıarlyq ekspedıtsııasy. Alǵashqy ekspedıtsııa 2011 jyly marshrýtty eń jyldam ýaqytta aıaqtaǵany úshin Gınnes rekordtar kitabyna endi. Atalmysh antarktıkalyq baǵdarlamanyń arqasynda 1959 jylǵy Antarktıka kelisimine Qazaqstan shaqyryldy.
«Táýelsizdik Polıýsi» espedıtsııasyn ótkizý merekelik kúnderge tuspa-tus keldi. Mysaly, Maǵjan Saǵymbaev pen Іlııas Ǵalymbekovtyń Vınson shyńyn baǵyndyrýy osy shyńǵa alǵash órmeleýge 50 jyl tolýyna sáıkes keldi. «Táýelsizdik Polıýsi» espedıtsııasynyń aıaqtalýy 2016 jyldyń 13 qańtaryna - orys saıahatshylary Mıhaıl Lazarev pen Fadeı Bellınsgaýzenniń Antarktıdany ashqandaryna 196 jyl tolýyna tuspa-tus kelmekshi.
«Táýelsizdik Polıýsi» espedıtsııasy «Qazaqstan ulttyq geografııalyq qoǵamy» respýblıkalyq qoǵamdyq birlestiginiń (QazaqGeography) qoldaýymen Qazaqstan halqy Assambleıasynyń qamqorlyǵy aıasynda ótkizilýde.
«Báıterek» ulttyq basqarýshy holdıngi jobanyń bas seriktesi bolsa, sondaı-aq Nazarbaev Ýnıversıteti, Ál-Farabı atyndaǵy QazUÝ, D.S.Asfendııarov atyndaǵy QazUMÝ seriktestik etýde. Ǵylymı-zertteý ekspedıtsııasynyń uıymdastyrýshysy - Qazaq geografııalyq qoǵamy.
