Qazaqstandyqtardyń ómir jaǵdaıyna taldaý jasalady

ASTANA. QazAqparat – Premer-Mınıstr Álıhan Smaıylov azamattardyń áleýmettik jaǵdaıyna taldaý júrgizýdi tapsyrdy, dep habarlaıdy QazAqparat tilshisi.

«Ótinishter men rastaıtyn qujattardy jınaý tájirıbesinen bas tartý mańyzdy. Ol málimetter bazada bar. «Invisible Government» jobasy sheńberinde memlekettik organdar qyzmetin proaktıvti tásilge aýystyrý qajet. Sonymen qatar, «Smart Data Ukimet» platformasynda iske asyrylyp jatqan jobanyń biri – «Otbasynyń tsıfrlyq kartasy». Atalǵan joba naqty krıterııler negizinde áleýmettik osal otbasylardyń naqty beınesin kórsetip, olarǵa kómek kórsetýge múmkindik beredi. Osy oraıda, mınıstrlik bıyl І toqsannyń sońyna deıin azamattardyń týǵanynan bastap zeınetke shyǵýyna deıingi ómir jaǵdaıyna taldaý júrgizý qajet», - Álıhan Smaıylov Tsıfrlyq damý, ınnovatsııalar jáne aeroǵarysh ónerkásibi mınıstrliginiń keńeıtilgen alqa otyrysynda.

Úkimet basshysy memlekettik organdardyń aqparattyq júıesine qatysty sóz qozǵady.

«Derekterdi paıdalanýdyń ashyqtyǵy men jyldamdyǵyn qamtamasyz etý úshin «Smart Data Ukimet» 77 aqparattyq júıeni biriktirdi. Osyǵan baılanysty, mınıstrlik bıyl jyl sońyna deıin qalǵan 19 memlekettik organnyń aqparattyq júıesin ıntegratsııalaý jónindegi jumysty aıaqtaýy tıis», - dedi Á. Smaıylov.

Eske salaıyq, elimizde ár otbasynyń jeke tsıfrlyq kartasy bolatyny týraly habarlaǵan edik.