Qazaqstandyqtardyń ómir súrý uzaqtyǵy 75 jasqa jetedi dep kútilýde –mınıstr
Kezdesý barysynda taraptar QR Densaýlyq saqtaý mınıstrligi men DDSU Eýropalyq óńirlik bıýrosy arasyndaǵy 2020-2021 jyldarǵa arnalǵan eki jyldyq kelisimdi iske asyrý máselelerin talqylady. Qujat úsh baǵyt boıynsha iske asyrylýda – taǵy 1 mıllıard adamdy jappaı densaýlyq saqtaý qyzmetimen qamtý, densaýlyq saqtaý salasyndaǵy tótenshe jaǵdaı kezinde qorǵaý, taǵy 1 mıllıard adamnyń densaýlyǵy men ál-aýqatyn arttyrý.
A. Tsoı men DDSU ókilderi COVID-19-ǵa qarsy kúres máseleleri boıynsha yntymaqtastyqty da talqylady. 2020 jyldyń naýryz aıynan bastap Dúnıejúzilik densaýlyq saqtaý uıymy Qazaqstanǵa 7 partııa jeke qorǵanys quraldary men gýmanıtarlyq kómek jiberdi. Sonymen qatar, uıym koronavırýs pandemııasymen kúresýde únemi tehnıkalyq jáne saraptamalyq qoldaý kórsetedi. Segiz aı ishinde elimizdiń 1600-den astam medıtsına qyzmetkeriniń qatysýymen 20 vebınar ótti.
Sondaı-aq, Alekseı Tsoı QR Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasynyń iske asyrylýy týraly habardar etti.
«Memlekettik baǵdarlamany iske asyrý nátıjesinde 2026 jylǵa deıin qazaqstandyqtardyń ómir súrý uzaqtyǵy 75 jasqa jetedi dep kútilýde, merziminen buryn ólim qaýpi 15,43% deıin tómendeıdi jáne negizgi kórsetkishter boıynsha halyqtyń densaýlyq jaǵdaıy jaqsarady», - dedi mınıstr.
Densaýlyq saqtaý mınıstrligi ólim-jitimniń negizgi sebepteri boıynsha júıeli josparly jumys júrgizýde, tórtinshi jyl tıisti úılestirý keńesteri jumys isteýde. Onkologııalyq aýrýlarmen kúres jónindegi keshendi jospar, alǵashqy medıtsınalyq-sanıtarlyq kómekti damytý jónindegi is-sharalar jospary, ana men bala ólimin tómendetý jónindegi jedel josparlar jáne basqalar iske asyrylýda.
Álemdegi densaýlyq saqtaý júıesindegi qazirgi jaǵdaıdy eskere otyryp, A.Tsoı K. Klarınvalǵa 2021-2022 jyldarǵa arnalǵan kelisimge praktıkalyq densaýlyq saqtaýdyń zamanaýı tásilderi men ǵylymı-dáleldi praktıkany qamtıtyn is-sharalardy qosýdy usyndy. Densaýlyq saqtaý mınıstrliginiń basshysy 2020 jylǵy 14 jeltoqsanǵa josparlanǵan MSAK jónindegi deklaratsııany ilgeriletýdiń operatsııalyq tetigin iske qosýǵa arnalǵan is-sharany DDSU-men birlesip uıymdastyrýǵa jáne ótkizýge daıyn ekenin bildirdi.
