Qazaqstandyqtardyń nesıelik qaryzy 5,6 trln teńgege jetti
ASTANA. QazAqparat - Qazaqstandyqtardyń nesıe boıynsha qaryzy 5,6 trln teńgeni qurady, dep habarlaıdy QazAqparat ranking.kz saıtyna silteme jasap.
«2018 jyldyń maýsym aıynyń sońynda jeke tulǵalarǵa berilgen nesıeler boıynsha (ekinshi deńgeıli bankterde, mıkroqarjy uıymdarynda, onlaın jáne t.b.) jalpy nesıe qaryzy 5,6 trln teńgeni qurady», - delingen zertteýde.
Bul soma ótken aımen salystyrǵanda 2,3% kóbirek. Bólshek qaryzdardyń jartysynan astamy - kepilsiz tutynýshylyq nesıeler. Olardyń úlesi bir aıda 51,3% -ten 51,7% -ke deıin ósken.
Maýsym aıynda bólshek nesıelerdi berý qurylymynda onlaın-kompanııalardyń úlesi tek 2% qurady. Bul - bıylǵy jyldyń eń tómengi kórsetkishi. 2018 jyldyń alǵashqy jartysyndaǵy eń joǵary kórsetkish naýryz aıynda (4,1%) baıqalǵan.
