Qazaqstandyqtardyń moınyndaǵy nesıe 13 trln teńgeden asqan

ASTANA. QazAqparat –Qazaqstandaǵy jeke tulǵalardyń monyndaǵy nesıeniń jalpy somasy 13 trln teńgeden asqan. Bul týraly QazAqparat Qarjy naryǵyn retteý jáne damytý agenttigine silteme jasap habarlaıdy.

«Jeke tulǵalardyń kredıtteri 2022 jylǵy qyrkúıekte 2,5% ulǵaıyp, 13,1 trln teńge boldy (jyl basynan beri 21,6% ósti). Jeńildetilgen memlekettik ıpotekalyq baǵdarlamalardy jalǵastyrý nátıjesinde ıpotekalyq kredıtteýdiń 3,3% nemese 4,3 trln teńgege deıin ulǵaıǵan. Sondaı-aq, tutyný qaryzdarynyń 2,3% nemese 7,2 trln teńgege deıin ósken», - delingen agenttik habarlamasynda.

Vedomstvo deregine súıensek, 1 qazandaǵy jaǵdaı boıynsha, bank sektory boıynsha ótelmegen qaryzdardyń deńgeıi 802 mlrd teńgege jetip, jalpy nesıe portfeliniń 3,6%-yn quraǵan. Bul kórsetkish basynda 3,3% nemese 669 mlrd teńge bolatyn.

«Shaǵyn jáne orta bıznesti qosa alǵanda tulǵalardyń portfelinde tóleý merzimi 90 kúnnen artyq keshiktirilgen qaryzdardyń úlesi 3,5% nemese 349 mlrd teńge bolyp otyr. Jeke tulǵalardyń portfelinde bul kórsetkish 3,7% nemese 453 mlrd teńge. Jumys istemeıtin qaryzdardy provızııalarmen jabý 72,8%-dy quraıdy», - dedi agenttik.