Qazaqstandyqtardyń qor bırjasynda 1 mlnǵa jýyq shoty bar

ASTANA. QazAqparat – Qazaqstandyqtardyń qor bırjasynda 1 mlndaı shoty bar. Bul týraly Qazaqstan qor bırjasy AQ basqarma tóraǵasy Alına Aldambergen málim etti, dep habarlaıdy QazAqparat tilshisi.

«Qazaqstan qor bırjasy - júıeni belgileıtin ınstıtýt. Qarjy sektorynyń barlyq protsesi biz arqyly ótedi. Sondyqtan biz klıentterimizdiń senimine kiremiz. Olar bizdiń ınstıtýtsıonaldyq ınvestorlarymyz. Onyń qatarynda bankter, brokerler de bar», - dedi Alına Aldambergen elordada ótken KASE DAY shara barysynda.

Onyń aıtýynsha, sońǵy úsh jylda jeke tulǵalardyń qor naryǵyna jıi qatysýy trendke aınaldy.

«Qazir ortalyq depozıtterde nemese bank qosymshalar arqyly ashylǵan shottardyń jalpy sany shamamen 1 mln. KASE negizinen iri kompanııa jáne banktermen jumys isteıdi. Al bankter jeke tulǵalardy tartady», - deıdi KASE basshysy.

Buǵan deıin Qazaqstan qor bırjasynyń basshysy ıAndeks aktsııalarynyń tizimnen shyǵarý sebebin túsindirgen edi.