Qazaqstandyqtardyń kópshiligi úshin qazirgi talaptar boıynsha ıpotekaǵa páter alý qıyn bolyp tur
ASTANA. 9 qarasha. QazAqparat /Rýslan Ǵabbasov/ - Qazaqstandyqtardyń kópshiligi úshin ekinshi deńgeıdegi bankter tarapynna qoıylyp otyrǵan qazirgi talaptar boıynsha ıpotekaǵa páter alý qıyn bolyp tur. Bul týraly búgin Astanada ótken «Qazaqstandaǵy qol jetimdi turǵyn úı - qol jetimdi ıpoteka: qalpyna keltirý baǵyttary» taqyrybyndaǵy dóńgelek ústelde QR Prezıdentiniń kómekshisi Baqyt Sultanov aıtty.
«Eger qazirgi kezdegi ıpotekalyq nesıeleý talaptarynyń jaǵdaıyn eskeretin bolsaq, ıaǵnı 30 paıyzdyq bastapqy jarnany, 16-18 paıyz jyldyq stavkany tóleý talaptary halyqtyń kópshiligi úshin páter alýǵa múmkindik bermeıdi»,-dedi Prezıdent kómekshisi.
Atap aıtqanda bul másele boıynsha memlekettik mamandandyrylǵan ınstıtýttar, Qazaqstandyq ıpotekalyq kompanııasy, «Turǵyn úı jınaq banki» aldyna qoıylǵan maqsattarǵa tolyq kólemde qol jetkize almady. B. Sultanovtyń paıymdaýynsha, bul turǵyda daǵdarys áseri, sondaı-aq nesıelik jáne turǵyn úıge suranys kezindegi baǵanyń kúrt ósimi (2006-2007 jyldardaǵy) aıtarlyqtaı tosqaýyl bolǵan sekildi.
