Qazaqstandyqtardyń qonaqjaılyǵyna razy boldym – Toqaevtan suhbat alǵan qytaılyq jýrnalıst

SIANЬ. QazAqparat – Qasym-Jomart Toqaevtan suhbat alǵan CCTV jýrnalısi Van Gýan QR Prezıdenti Teleradıokesheniniń redaktory Ulpan Begalınamen áńgimesinde qazaqstandyqtardyń qonaqjaılyǵy men dostyq peıilinen alǵan áseri týraly aıtyp berdi, dep habarlaıdy QazAqparat.

«Maǵan Astana qalasy óte unady. Qazaqstandyqtardyń qonaqjaılyǵy men dostyq peıiline razy boldym. Bul – ártúrli ult ókilderi turatyn kópultty el. Bul – óte áserli», - dep atap ótti Van Gýan.

«Birneshe álemdik kóshbasshylardan suhbat alý men úshin úlken mártebe boldy, biraq Prezıdent Qasym-Jomart Toqaev meni qaıran qaldyrdy. Ol basqa kóshbasshylardan óte erekshelenedi – ol tártiptiń adamy. Suhbat aldynda Prezıdent Qasym-Jomart Toqaev týraly kóptegen maqalalar men kitaptardy aǵylshyn, qytaı jáne orys tilderinde oqyp shyqtym», - dedi CCTV jýrnalısi.

Eske sala ketsek, 12 mamyrda Prezıdent Qasym-Jomart Toqaevtyń Qytaıdyń CCTV telearnasyna suhbat bergen edi.

Memleket basshysy búgin Qytaıǵa memlekettik saparmen bardy. Prezıdent Qasym-Jomart Toqaevty QHR Tóraǵasy Sı Tszınpın qarsy aldy.