Qazaqstandyqtardyń qonaqjaılyǵy meni tánti etti - belgııalyq astronavt Frank De Vıne
SSELЬ. 5 sáýir. QazAqparat /Dımash Syzdyqov/ - 2009 jyly «Baıqońyrdan» Halyqaralyq ǵarysh stansasyna attanyp, tapsyrmany oryndaǵannan keıin Qazaqstan jerine qonǵan belgııalyq astronavt Frank De Vınne qazaqstandyqtardyń qonaqjaılyǵyna tánti ekenin jetkizdi.
Bul týraly ol Brıýsselde qazaqstandyq jýrnalısterge bergen suhbatynda aıtty.
«Men saparymnyń, ıÝrıı Gagarın ǵaryshqa attanǵan aılaqta ótkenine óte baqyttymyn. «Baıqońyrdyń» tarıhy óte baı. Men onda eki apta turdym. Ol mamyr aıy edi, aýa raıy jyly boldy, sondyqtan da meniń júregimde tek jaqsy estelikter qaldy», - dedi óz oıymen bólisken F. De Vınne.
Belgııalyq astronavt Halyqaralyq ǵarysh stansasynan Jerge oralǵan kezde, izdeý toby olardy úlken qoshemetpen kútip alǵanyn áńgimelep berdi. «Dástúr boıynsha ıyǵymyzǵa shapan japty, úlken qoshemetpen qarsy aldy, bizge barynsha jaǵdaı jasady. Men qazaqstandyqtardyń qonaqjaılyǵyna tánti boldym», deıdi ǵaryshker.
Belgııalyq astronavt ǵaryshqa eki ret sapar jasaǵan. Ol orbıtaǵa baryp qaıtqan ekinshi belgııalyq azamat. De Vınneniń birinshi sapary 2002 jyly 30 qazan men 10 qarashanyń aralyǵynda ótse, ekinshi sapary 2009 jyly 27 mamyrda boldy. Reseılik ǵaryshker Roman Romanenko men kanadalyq astronavt Robert Tırskpen attanǵan ekinshi saparynda orbıtada 188 táýlik boldy.
