Qazaqstandyqtardyń kommýnaldyq qyzmetterge 13 mlrd teńge qaryzy bar
ASTANA. QazAqparat - Qazaqstanda tutynýshylardyń kommýnaldyq qyzmetterge qaryzy 13 mlrd teńgeden asyp jyǵylady. Bul týraly búgin Úkimet otyrysynda jylytý maýsymynyń qorytyndysyn shyǵarǵan QR Investıtsııalar jáne damý mınıstri Jeńis Qasymbek aıtty, dep habarlaıdy QazAqparat tilshisi.
Onyń dereginshe, jylytý maýsymynyń basynda tutynýshylardyń kommýnaldyq qyzmetter úshin debıtorlyq bereshegi 14,5 mlrd teńgeni quraǵan.
«Bıyl sáýir aıyndaǵy jaǵdaı boıynsha bereshek 13,2 mlrd teńgeni qurap, 1,3 mlrd teńgege azaıǵan. Eń kóp debıtorlyq bereshek Astana (2,1 mlrd teńge) men Almaty qalalarynda (2,8 mlrd teńge) jáne Ońtústik Qazaqstan (2,6 mlrd teńge), Mańǵystaý (1,6 mlrd teńge), Aqtóbe (1,4 mlrd teńge) oblystarynda saqtalyp otyr»,- dedi mınıstr.
Jalpy, mınıstrdiń deregi boıynsha, jylý berý maýsymy bastalǵannan beri kommýnaldyq júıelerde 140 aqaý tirkelgen.
«Bul rette, ákimdikter tehnologııalyq aqaýlardy qysqa merzimde qalpyna keltirdi. Apattar kóp tirkelgen óńirler mynalar: Astana qalasynda - 69; Qaraǵandy oblysynda - 16, Pavlodar oblysynda - 12; Almaty qalasynda - 11; Shyǵys Qazaqstan oblysynda - 10. Taldaý kórsetkendeı, aqaýlardyń kóbi negizinen sýmen jabdyqtaý jáne sý burý jelilerinde oryn alǵan. Olardyń sany - 110. Sonymen qatar, ótken jylǵy sáıkes kezeńmen salystyrǵanda tehnologııalyq aqaýlar 63 oqıǵaǵa tómendegeni belgili boldy», - dedi Jeńis Qasymbek.
