Qazaqstandyqtardyń kommýnaldyq qaryzy 7 mlrd. teńgege jetti - Elbasy

ASTANA. 28 qarasha. QazAqparat - Elbasy qazaqstandyqtardyń kommýnaldyq qaryzynyń 7 mlrd. teńgege jetýine alańdaýshylyq tanytty. Bul týraly búgin Aqordada barlyq deńgeıdegi ákimderdiń qatysýymen ótken jıynnyń qorytyndysyna oraı uıymdastyrylǵan brıfıngte QR Prezıdentiniń baspasóz hatshysy Dáýren Abaev málim etti.

Onyń atap ótýinshe, Prezıdent óńir basshylarynyń kommýnaldyq qyzmet qaryzdaryn tómendetý boıynsha tapsyrmany baqylaýǵa almaı otyrǵandyqtaryn synǵa aldy. Elbasynyń alǵa tartqan deregine sáıkes, búginde qazaqstandyqtardyń atalǵan qaryzy shamamen 7 mlrd. teńgeni qurap otyr.

Sonymen qatar Memleket basshysy tarıfterdiń jyl saıynǵy ósimi de baqylaýǵa alynbaıtyndyǵyn atap ótti. «Prezıdent naqty mysal keltirdi: Pavlodar oblysynda energostansa  tarıfti 1,5 ese kóterdi, al ol jaqta tozý da ósip keledi. Al Kókshetaýda jergilikti monopolıstiń 4 mlrd. teńgelik  ınvestıtsııalyq baǵdarlamasy elektr jelilerindegi shyǵyndy tek 1 paıyzǵa ǵana tómendetedi», - dedi D.Abaev.