Qazaqstandyqtardyń kóbi Túrkııada otbasymen demalǵandy unatady
ALMATY. 1 naýryz. QazAqparat - Demalysyn Túrkııada ótkizetin qazaqstandyqtardyń úlesi jyl saıyn 20 paıyzǵa ulǵaıyp kele jatyr. Bul týraly Túrkııanyń Qazaqstandaǵy Elshiliginiń mádenıet jáne aqparat bóliminiń baspasóz-atashesi Nılgıýn Kylygaryslan búgin Túrkııanyń Muǵla provıntsııasynan kelgen delegatsııanyń Almatyda ótkizgen baspasóz máslıhatynda aıtty.
«Sońǵy jyldary qazaqstandyqtar úshin Túrkııa eń tanymal demalys oryndardyń birine aınaldy. Oǵan statıstıkalyq derekter naqty aıǵaq bola alady. Máselen 2009 jyly 219 myń 445, 2010 jyly 247 myń 784, 2011 jyly 315 myń 907, 2012 jyly 380 myń 46 qazaqstandyq týrıst bul elde bolyp qaıtty. Byltyr paıyzdyq ósim aldyńǵy jylmen salystyrǵanda 20,30 paıyzǵa ulǵaıdy», - deıdi N. Kylygaryslan. Onyń aıtýynsha, 2012 jyly qazaqstandyqtardyń 224 myń 296-sy Antalıa, 144 myń 213-i Stambul, 6 myń 432-si Muǵla, 368-i Izmır qalalaryna, al 4 myń 737-si óz demalysyn Túrkııanyń ózge aımaqtarynda ótkizgen.
Qazaqstan týrıstik qaýymdastyǵynyń menedjeri Klara Mamýtovanyń sózine qaraǵanda, qazaqstandyq týrısterdiń teń jartysy bul elde otbasymen demalǵandy unatady. Olardyń úlesi jyl saıyn 60-70 paıyzǵa ulǵaıyp kele jatyr.
