Qazaqstandyqtardyń «Qazposhtaǵa» senimi joǵalyp barady - A. Turtaev
ASTANA. QazAqparat - Qazaqstandyqtardyń «Qazposhtaǵa» senimi joǵalyp barady. Búgin Májilistiń jalpy otyrysynda depýtat Almas Turtaev osy máseleni kóterdi.
«Qazposhtanyń» tıimdiligi men taza tabysy sońǵy úsh jylda qatarynan óskenine qaramastan, onyń basshylyǵy jumsalǵan shyǵynnyń aqtalmaıtynyn únemi aıtyp, únemi sýbsıdııaǵa súıengendi jón sanaıdy. Poshtanyń aýyldyq bólimsheleriniń sany da edáýir qysqaryp ketti. 2014 jyldyń 1 aqpanynan bastap, «Qazposhta» qyzmet aqysyn da kóterdi», - deıdi A. Turtaev. Sonymen qatar, depýtat poshtalyq qyzmettiń aqysy kóterilgendikten keıbir basylymdar jazylymnan qaǵylyp, tipti baspadan bas tartyp, onlaın-rejimge kóship jatqanyn da alǵa tartady. Sonymen qatar, qyzmetaqynyń mólsheri artqanymen, kórsetiletin qyzmet sapasy jaqsarmaǵan.
«Poshta arqyly jiberiletin zattardyń joǵalý faktileri de oryn alyp júr. Máselen, 2014 jyldyń jeltoqsanynda Oral qalasynda «Qazposhtanyń» 9 qyzmetkeri múgedek balalardyń shotynan aqsha jymqyrǵany anyqtalsa, 2015 jyldyń qańtarynda Aqtaý qalasynda poshta qyzmetkerleri sálemdemelerdi aqtaryp, ózderine unaǵan zattardy alyp otyrǵany úshin ustaldy. Qazirgi kúni poshta arqyly jiberiletin sálemdemelerdi halyq túrli joldarmen jiberedi, poıyz jolserikterine, ushaq ekıpajdary qyzmetkerlerine júginedi. ıAǵnı, qazaqstandyq poshta jumysyna azamattar senimsizdikpen qaraıtyndyqtan poshtalyq qyzmette sheteldik kýrerlik qyzmetter paıda boldy, olar tabysty jumys istep, sálemdemeni ýaqytyly jetkizedi», - dedi A. Turtaev.
