Qazaqstandyqtardyń qaı elderge jıi ketetini belgili boldy
NUR-SULTAN. QazAqparat - Qazaqstandyqtardyń qaı elderge jıi ketetini belgili boldy, dep habarlaıdy, dep habarlaıdy QazAqparat tilshisi.
Elimizge kelýshilerge qaraǵanda ketýshilerdiń sany basym, olardyń aıyrmashylyǵy 20 myńdy quraıdy.
«Syrtqy kóshi-qonǵa kelsek, 2018 jyly elimizden ketken jáne kelgenderdiń arasy 20 myń boldy, ókinishke qaraı ketýshilerdiń sany basym. 2018 jyly 29 myń azamatymyz elden kóship ketken. Elden ketýshilerdiń 96 paıyzy TMD elderinde turaqtaıdy. Onyń ishinde 89 paıyzy Reseıge ketedi. Nege ketedi degenge kelsek, kóbisi tarıhı otanyna oralǵysy kelgendikten, sondaı-aq, sapaly bilim alyp, jumysqa ornalasý jáne tabys tabý men laıyqty ómir súrýdi izdegender. Iá, keıde joǵary sanatty jáne tapshy mamandar shetelge ketip jatady. Sol úshinde biz elimizde jaǵdaı jasaýymyz kerek. Ol bilim berýden bastalady. Sebebi kóbisi shetelge bilim alýǵa barady da, sol jaqta qalyp qoıady. Bul maqsatta Bilim jáne ǵylym mınıstrligi júıeli jumystar júrgizip jatyr», - dedi QR Eńbek jáne áleýmettik qorǵaý mınıstri Birjan Nurymbetov.
Sondaı-aq, mınıstr otandastarymyz kóbinese qaı elderge kóship ketetindigi týraly tilge tıek etti.
«Qazaqstandyqtardyń kóbinese ketetin elder qataryna aldymen Reseı, Germanııa jáne Belarýs eli. Al Іshki ister organdarynyń málimetinshe, 1 jeltoqsandaǵy jaǵdaı boıynsha Qazaqstanǵa 5,6 mln adam kirip, álemniń 200 elinen 5,3 mln sheteldik azamat shyǵyp ketti. Іshki ister organdarynda 1,2 mln, onyń ishinde: TMD elderinen – 1,1 mln, alys shetelderden – 95 myń sheteldik tirkelgen. 2 210 jumys berýshide 22 myńǵa jýyq ózge el azamaty, sheteldik jumys kúshin tartý kvotasy boıynsha eńbektenýde»,- dedi ol.
Aıta ketsek, elordada «Qazaqstandaǵy kóshi-qon: problemalar, tendentsııalar, perspektıvalar» atty respýblıkalyq dóńgelek ústel ótti. Onda adam saýdasynyń aldyn alý jáne adam saýdasynyń qurbandaryna arnaýly áleýmettik qyzmet kórsetý, sonymen qatar ishki, syrtqy, etnıkalyq jáne zańsyz kóshi-qon máseleleri talqylandy.
