Qazaqstandyqtardyń EYDU elderindegi qarjysy týraly málimet alynady
NUR-SULTAN. QazAqparat – Qazaqstanda Taýarlar baqylanýynyń ulttyq júıesi qurylyp jatyr. Bul týraly QR Premer-Mınıstriniń birinshi orynbasary Álıhan Smaıylov aıtty, dep habarlaıdy QazAqparat tilshisi.
«Prezıdent tapsyrmasyna sáıkes, kóleńkeli ekonomıkaǵa qarsy is-qımyl jospary ózektendiriledi. Ofshorlyq quziretke aqsha aýdarymdary bóliginde zańnama jetildiriletin bolady. Osy jyldyń sońyna deıin Ekonomıkalyq yntymaqtastyq jáne damý uıymy elderiniń salyq organdary arasyndaǵy jeke jáne zańdy tulǵalardyń qarjylyq esepshoty týraly alǵashqy aqparat almasý bolady dep josparlanyp otyr. Soǵan oraı elimizdiń rezıdentteri boıynsha alynǵan málimetter saralanady», - dedi birinshi vıtse-premer Úkimet úıindegi baspasóz máslıhatynda.
Sonymen qatar onyń aıtýynsha, salyqtyq jáne kedendik ákimshileýdi tsıfrlandyrý jumystary da ózektendirilip, odan ary jalǵasady.
«Qazirdiń ózinde Taýarlar baqylanýynyń ulttyq júıesi qurylyp jatyr. Osy jyldyń 1 qazanynan temeki buıymdaryn tańdalaý engiziledi. Tańbalanýǵa jatatyn taýarlar tizilimi únemi keńeıtilip otyrady. Bul ekonomıkadaǵy kóleńkeli aınalymdy ásirese saýdada aıtarlyqtaı tómendetýge múmkindik beredi», - dedi Álıhan Smaıylov.
