Qazaqstandyqtardyń eski kólikterdi ýtılızatsııaǵa tapsyrý qarqyny qandaı
ASTANA. QazAqparat - Ótken jyldyń qorytyndysyna sáıkes, qazaqstandyqtar 5 665 kólikti ýtılızatsııaǵa tapsyrdy, dep habarlaıdy QazAqparat tilshisi.
Aıta keteıik, ýtılızatsııalaý baǵdarlamasy ótken jyly qarashanyń 21-i kúni bastalǵan bolatyn. Osylaısha, bir aıdan astam ýaqyttyń ishinde ýtılızatsııalaý beketterine 5,5 myń kólik jetkizildi. Sonyń basym bóligi birinshi kategorııa boıynsha baǵalandy, ıaǵnı árbir kólik úshin 150 myń teńge berildi. Jalpy, ýtılızatsııa baǵdarlamasyna qatysqan azamattarǵa 849 mln. 138 myń teńge tólendi.
«Ýtılızatsııaǵa tapsyrylǵan kólikterdiń basym bóligi - «VAZ- 2105», «VAZ-2106», «VAZ 2101», «GAZ 3110», «Moskvıch -2140» ján «Mazda 626» markaly kólikter. Eski kólikterdi qabyldaý jaǵynan Shymkent qalasy kósh bastap tur. Odan keıin Qostanaı men Almaty qalalary keledi. Al eń eski kólik Oral qalasynda tapsyryldy. Ol - 1948 jylǵy «Moskvıch», - delingen baǵdarlama úılestirýshisi - «ÓKMOperatory» JShS málimetinde.
Aıta keteıik, baǵdarlama aıasynda 3,5 tonnadan aspaıtyn jeńil kólikter qabyldanady. Al ýtılızatsııalyq tólemniń kólemi avtomobıldiń texnıkalyq jaǵdaıyna qaraı belgilenedi. Tolyq komplektatsııasyna 150 000 teńge berilse, isten shyqqan kólikter úshin 48 000 teńge tólenedi.
