Qazaqstandyqtardyń elektromobılderge suranysy azaıdy
NUR-SULTAN. QazAqparat – Qazaqstanda elektromobılderge degen suranys úsh esege azaıdy. Bul týraly «QazAvtoÓndiris» Qazaqstan avtomobıl salasy kásiporyndary odaǵynan málim etti, dep habarlaıdy QazAqparat tilshisi.
«QazAvtoÓndiris» odaǵynyń aqparatyna sáıkes, bıylǵy 7 aıdyń ishinde ákimshilik polıtsııa organdary barlyq úlgidegi 826 101 kólik quralyn tirkedi.
«Bul – ótken jyldyń uqsas kezeńimen salystyrǵanda 12,3 paıyzǵa kóp. Atalǵan kólikterdiń 770 640-y ekinshi ret tirkelgen. ıAǵnı, olardyń ıesi aýysqan (ótken jyly mundaı sanatta 691 084 kólik tirkelgen). Birinshi ret tirkelgen kólik quraldarynyń sany 55 461-ge jetip, 2018 jyldyń jeti aıynan qaraǵanda 24,8 paıyzǵa artqan», - delingen habarlamada.
2019 jyldyń shilde aıynyń qorytyndysy boıynsha tirkelgen kólik quraldarynyń sany 122 873-ke jetip otyr (ótken jylǵa qaraǵanda 8,1 paıyzǵa artyq). Olardyń ishinde 113 772-i ekinshi ret tirkelgen.
«2019 jyldyń 7 aıynyń qorytyndysy boıynsha Qazaqstanda elektr qýatty tek 11 jeńil avtokólik tirkeldi. Budan bir jyl buryn ondaı kólikterdiń 39-y tirkeýden ótkizilgen edi», - dedi «QazAvtoÓndiristen».
Qazaqstandaǵy qaıta tirkelgen kólikterdiń úshten ekisiniń jaramdyq merzimi 10 jyldan asyp ketken. Avtokólik naryǵyndaǵy kelisimderdiń dınamıkasy burynǵysha otandyq parktyń eskirip bara jatqanyn kórsetip otyr.
