Qazaqstandyqtardyń EQYU Sammıti týraly pikirleri óte joǵary - áleýmettik monıtorıng qorytyndysy

dep habarlady Baılanys jáne aqparat mınıstrligi Aqparat jáne muraǵat komıtetiniń basylymdyq BAQ basqarmasynyń baspasóz qyzmetinen.

Saýalnama respýblıkanyń barlyq oblystarynda, Astana jáne Almaty qalalarynda uıymdastyryldy jáne júrgizildi. Іriktep alynǵan jıyntyǵy 600 adamdy qurady.

Zertteý sheńberinde halyqtyń EQYU Sammıti týraly habardarlyq deńgeıi, atalǵan sharanyń roli men mańyzy, Sammıttiń qorytyndysy boıynsha qoǵamdyq pikir zerdelendi.

Mysaly, saýalnama nátıjeleri boıynsha halyqtyń Astana qalasyndaǵy EQYU Sammıti týraly habardar bolý deńgeıi óte joǵary ekendigi anyqtaldy. Respondentterdiń 95,3 paıyzy Sammıttiń ótetindigi týraly estigenderin aıtsa, al 4,7 paıyzy múldem eshteńe bilmeıtindikterin aıtqan.

Onyń ishinde, qala turǵyndarynyń 96,1 paıyzy EQYU Sammıtiniń ótkendigi týraly habardar ekendigin kórsetse, aýyl turǵyndarynyń bul shara týraly biletinder úlesi 94,2 paıyzdy quraǵan.

Sammıt týraly negizgi aqparat kózi retinde teledıdardy belgilegen respondentterdiń úlesi 76,8 paıyzdy quraıdy. Budan keıingi orynda baspa basylymdary tur - 8,2 paıyz, áriptesterinen estigender - 6,3 paıyz, Internetten oqyǵandar - 3 paıyz, radıodan estigender - 0,8 paıyz.

Júrgizilgen áleýmettik zertteý nátıjelerine sáıkes, jalpy suralǵandardyń 72,8paıyzy EQYU Sammıtiniń translıatsııasyn tamashalaǵan, 21,5 paıyzy kórmegen, olardyń ishinde 4,2 paıyzy ótip jatqan oqıǵaǵa nemquraılylyq tanytqan. Al respondentteridń 5,7 paıyzy jaýap berýge qınalǵan.

Halyqtyń EQYU Sammıtin Qazaqstannyń qanshalyqty tıimdi uıymdastyra bilgendigine qatysty pikirlerin zerdeleý mynadaı nátıjeler kórsetti: jalpy, suralǵandardyń 82,3 paıyzy Sammıttiń uıymdastyrylýyn tıimdi jáne tıimdi shyǵar, 4,3 paıyzy tıimsiz jáne tıimsiz shyǵar dep baǵalady, al 13,3 paıyzyn jaýap berýge qınalǵandar quraıdy.

Zertteý nátıjeleri boıynsha halyqtyń 65,8 paıyzy EQYU Sammıtiniń tabysty uıymdastyrylýy jáne ótkizilýi QR Prezıdenti N.Á.Nazarbaevtyń eńbeginiń arqasynda, al 22,5 paıyzy barsha qazaqstandyqtardyń eńbeginiń arqasynda dep esepteıdi.

EQYU Sammıtiniń Qazaqstan úshin mańyzdylyǵy týraly pikirlerge júrgizilgen taldaýǵa súıensek, respondentterdiń 47,8 paıyzy Sammıt halyqaralyq qaýymdastyqta Qazaqstannyń bedelin arttyratyn oqıǵa bolǵanyna senim bildirip otyr. Sonymen qatar, suralǵandardyń 21,7 paıyzy EQYU Sammıti - jalpy elimiz úshin óte mańyzdy oqıǵa, al 19 paıyzy elimizdiń tabysty damýynyń kórsetkishi bolyp tabylatyndyǵyn belgilegen. Al 3,3 paıyzynyń pikiri boıynsha Sammıt elimiz úshin mańyzdy oqıǵa bolyp tabylmaıdy eken.

Saýalnama barysynda respondentterge «Sammıtte qol qoıylǵan Astana deklaratsııasynyń Qazaqstan úshin mańyzdylyǵy qandaı?» degen de suraq qoıyldy. Saýalnama nátıjeleri kórsetkendeı, respondentterdiń 41,8 paıyzy úshin Astana deklaratsııasy daýly máselelerdi sheshý boıynsha mańyzdy qujat bolyp tabylsa, 22,7 paıyzy - úshin qazaqstandyq dıplomatııanyń jemisi, 12,5 paıyzy úshin EQYU-ny jańǵyrtý/qaıta qurý qajettiligin rastaıtyn qujat bolyp tabylady. Sonymen qatar, suralǵandardyń 7,3 paıyzy bul qol qoıylǵan kóptegen deklaratsııalardyń biri bolyp tabylady dep sanaıdy.

Halyqtyń Sammıttiń qorytyndylaryna qatysty pikiri mynadaı: respondentterdiń 30,8 paıyzy - ótken Sammıttiń Qazaqstannyń jáne Prezıdenttiń álemdik bedelin pash etkenin, 19,8 paıyzy - Qazaqstannyń barlyq jetistikterin álemge tanystyrǵanyn aıtyp otyr. Al qazaqstandyqtardyń 11,5 paıyzy - Astana sammıtiniń qorytyndysy Uıymnyń jumysyna jańasha serpin berdi dep sanaıdy.

Júrgizilgen saýalnama osylaısha, 1-2 jeltoqsanda Astana qalasynda ótkizilgen EQYU Sammıti týraly qazaqstandyqtardyń habardarlyq deńgeıi óte joǵary - 95,3 paıyz ekendigin kórsetip otyr.

Halyqtyń 80 paıyzdan astamy Qazaqstan EQYU Sammıtin nátıjeli uıymdastyra bildi dep esepteıdi jáne suralǵandardyń jartysynan astamy ondaǵy el Prezıdentiniń jeke eńbegin erekshe atap kórsetedi.

Jalpy, kóptegen qazaqstandyqtardyń pikirinshe, ótkizilgen EQYU Sammıti Qazaqstan jáne onyń Prezıdentiniń joǵary halyqaralyq bedelin kórsetken elimizdiń basty is-sharasy boldy.