Qazaqstandyqtardyń densaýlyǵy nege jaqsarmaı otyrǵany belgili boldy
ASTANA. QazAqparat - Dúnıejúzilik densaýlyq saqtaý uıymynyń halyqaralyq reıtıngisine júginsek, halyqtyń densaýlyǵy boıynsha Qazaqstan 145 eldiń ishinde 111-orynda tur. Bundaı jaǵdaıdyń birden bir sebebi - jemqorlyq. Bul týraly búgin Memlekettik qyzmet isteri jəne sybaılas jemqorlyqqa qarsy kúres agenttigi tóraǵasynyń orynbasary Alık Shpekbaev məlim etti, dep habarlaıdy QazAqparat.
«Sońǵy on jylda osy salanyń qarjylandyrylýy bes esege artqan eken. 2005 jylǵy 191 mlrd teńgeden 2016 jylǵy 1 trln teńgege deıin ósti. Alaıda, Dúnıejúzilik densaýlyq saqtaý uıymynyń halyqaralyq reıtıngisine júginsek, halyqtyń densaýlyǵy boıynsha Qazaqstan 145 eldiń ishinde 111-orynda tur. Bundaı jaǵdaıdyń birden bir sebebi - jemqorlyq. 2016 jyly densaýlyq saqtaý salasynda 80 laýazym ıesine qatysty 200 jemqorlyq qylmysy tirkeldi. Onyń ishinde, 22 adam sottaldy. Kóbinese, bul kóp epızodty qylmystyq ister», - deıdi Shpekbaev.
Onyń aıtýynsha, sottalǵandardyń kóbi Pavlodar, Qostanaı, Ońtústik Qazaqstan, Qyzylorda oblystarynda jəne Almaty qalasynda tirkelgen. Agenttik júrgizgen sybaılas jemqorlyqqa qarsy monıtorıng kórsetkendeı, densaýlyq saqtaý salasynda jemqorlyqqa kóbine attestatsııadan ótkizý bólimderiniń jetekshileri, medıtsına ortalyqtarynyń dırektorlary, ərtúrli anyqtama beretin medıtsınalyq qyzmetkerler barady eken.
«Osy jyldyń eki aıynda jemqorlyqqa qarsy kúres qyzmeti densaýlyq saqtaý salasynda qarjy qylmysyn jasaǵan 16 adamdy ustaǵan»,-dedi məlimetti tolyqtyra otyryp Alık Shpekbaev.
