Qazaqstandyqtardyń beıbit jıyn ótkizýge kózqarasy qandaı
«DEMOSCOPE» qoǵamdyq pikir ekspress-monıtorınginiń bıýrosy (Jobany Qazaqstandaǵy Konrad Adenaýer atyndaǵy qor ókildiginiń qoldaýymen Halyqaralyq MediaNet jýrnalıstik ortalyǵy júzege asyrady) 2019 jyldyń 26-29 qyrkúıegi aralyǵynda 14 oblys pen respýblıkalyq mańyzy bar úsh qalada 1 100 adamǵa saýal qoıǵan.
«Saýalnama statsıonarlyq nómirlerge telefon qońyraýy arqyly júrgizildi. Oǵan jasy 18-den asqan erler (47 paıyz) men áıelder (53 paıyz) qatysty. Tańdaý negizi retinde Qazaqstan boıynsha statsıonarlyq telefon nómirleriniń abonentik bazasy paıdalanyldy. Nátıjesinde respondentterdiń 43 paıyzy mıtıngilerge oń, al 16 paıyzy teris qaraıtyny, al 41 paıyzy beıtarap qaraıtyny nemese jaýap berýge qınalatyny anyqtaldy. Suralǵandardyń 46 paıyzy beıbit jıyndardyń qandaı da bir oqıǵaǵa nemese memlekettik sheshimderdi qabyldaýda yqpaly baryn aıtyp, jaýap berdi», - delingen DEMOSCOPE zertteýinde.
Al saýalnamaǵa qatysqandardyń 40 paıyzy mıtıngilerdiń jaǵdaıdy turaqsyz etetinin aıtqan. Qalǵany (14 paıyzy) jaýap bermegen.
«Suralǵandardyń 73 paıyzy mıtıng ótkizý – bılikpen kelisilýi kerek dep esepteıdi. Al 17 paıyzy bul pikirmen kelispeıdi. Qazaqstandyqtardyń damyǵan demokratııa jaǵdaıynda ómir súrmegenin esepke alǵanda, sonymen qatar azamattar halyqaralyq quqyq salasyndaǵy standarttarmen tanys bolmaǵandyqtan mundaı kórsetkishter qısynǵa keledi. Alaıda protesterdi azamattardyń jiger tanytýy retinde qabyldaý úrdisi evolıýtsııalanyp keledi. Al azamattar onyń tıimdiligine kózin jetkizip kele jatyr», - delingen DEMOSCOPE zertteýinde.
Atalǵan tańdaý boıynsha statıstıkalyq aýytqý 95 paıyzdyq yqtımaldyqtyń - 3 paıyzynan aspaıdy.
