Qazaqstandyqtardyń basym bóligi jańa jylǵa syılyq retinde turmystyq tehnıka alǵysy keledi - zertteý
ALMATY. 9 jeltoqsan. QazAqparat /Erbol Azanbek/ - Qazaqstandyqtardyń basym bóligi týystary men jaqyndary, dostarynyń qolynan jańa jyldyq syılyq retinde tehnıkalyq buıymdar men as úı jabdyqtaryn alǵysy keledi.
Bul týraly kaspi bank júrgizgen arnaıy saýalnama qorytyndysynda jarııalandy.
Bank mamandary elimizdiń ár aımaǵynan 1300 er adam, 1500 áıel adamnyń qatysýymen arnaıy saýalnama júrgizgen. «Jańa jylǵa qandaı syılyq alǵyńyz keledi?» degen jalǵyz suraqtyń jaýaby boıynsha erlerdiń basym bóligi teledıdar, noýtbýk, uıaly telefon alýdy qalasa, áıelder tańdaǵan syılyqtyń úshtigine kompıýter nemese noýtbýk, fotoapparat nemese tsıfrlyq fotoqaptama, as úıdiń usaq-túıegi kiredi.
Sondaı-aq erlerdiń kópshiligi balyq aýlaýǵa arnalǵan quraldar, avtomobılderge arnalǵan qysqy qapshyqtar jáne navıgatorlar, átkenshek kreslo, domalaq dıvan jáne bylǵary pıdjak alǵysy keletinderin aıtqan. Al áıelder bolsa aerogrıl, býterbrod jasaıtyn jabdyq nemese qymbat kastrólder, hrýstaldan jasalǵan aspaly sham, djakýzı, aına, ton jáne aýa raıy jyly memleketke saıahatty qalaıtyndaryn aıtqan. Bir qyzyǵy, bıkeshterdiń arasynda avtoáýesqoılar kóbeıgeni baıqalady. Saýalnamaǵa qatysqan áıelderdiń birqatary avtokólikterine kóp fýnktsııaly magnıtola alýdy armandaıtyndaryn aıtqan.
