Qazaqstandyqtardyń basym bóligi qolma-qol aqshasyz esep aıyrysady
Ulttyq banktiń aıtýynsha, qazaqstandyqtar 2021 jyldyń 8 aıynda tólem kartochkalary arqyly 56,3 trln teńgeniń 4 mlrd operatsııasyn júrgizdi. ıAǵnı, byltyrǵy kezeńmen salystyrǵanda kartochka arqyly aınalymǵa túsken aqshanyń kólemi 2,2 ese, atqarylǵan operatsııalardyń sany 2 ese kóp degen sóz.
«Tólem kartochkalary arqyly jasalǵan 10 operatsııanyń 9-y qolma-qol aqshasyz oryndaldy. 2021 jyldyń qańtar-tamyz aralyǵynda tólem kartochkalarynyń ıeleri 43,2 trln teńgege 3,8 mlrd qolma-qol aqshasyz operatsııa júrgizdi. Bul 2020 jyldyń osy kezeńindegi kórsetkishterden tıisinshe 2,4, jáne 2,3 ese asady», - dep jazady Ulttyq banktiń saıty.
Bank saraptamasynda qolma-qol aqshasyz operatsııalar kóleminiń jalpy qurylymynda onlaın-operatsııalardyń úlesi óse túskeni aıtylǵan.
«Osy jyldyń qańtar-tamyz aralyǵynda qolma-qol aqshasyz operatsııalardyń 67%-y nemese 2,5 mln operatsııa ınternet arqyly nemese mobıldi qosymshalar arqyly júrgizildi. Halyqtyń qolma-qol aqshasyz operatsııalary kóleminde onlaın-operatsııalar úlesi 83%-ǵa deıin ósip, 35,9 trln teńge boldy», - delingen Ulttyq bank málimetinde.