Qazaqstandyqtardyń basym bóligi bıletti onlaın tásilmen satyp alady
NUR-SULTAN. QazAqparat - Qazaqstandyqtar bir jyldyń ishinde 16 mılllıonnan astam temirjol bıletin onlaı rejımde satyp alǵan. Bul týraly QazAqparat Ranking.kz silteme jasap habarlaıdy.
Ranking.kz-tiń habarlaýynsha, qańtar-sáýir aralyǵynda Qazaqstan aýmaǵynda 7,4 mlrd jolaýshy tasymaldanǵan. Bul ótken jyldyń 4 aıymen salystyrǵanda, 2,2 paıyzǵa kóp. Jolaýshylardyń 99,9 paıyzy ádettegideı avtomobıl men qala ishindegi elektrli kólikterdiń qyzmetine júgingen.
Al áýe kóligine degen suranys 7,7 paıyzǵa azaıǵan. Kerisinshe temirjol qyzmetine júginýshiler sany 3,7 paıyzǵa artqan.
Halyqtyń ishinde onlaın-satyp alý joǵary qarqynmen beleń alýda. Naýryz aıyna deıin onlaın-tólemder kólemi 463 mlrd teńgege jetken. Bul ótken jylǵy kórsetkishten 2,7 ese kóp.
«Elektrondy temirjol bıletine degen suranys ta artýda. El aýmaǵynda 233 temirjol kassasy men 4,5 myń jekemenshik bılet kasssalary bolǵanyna qaramastan, jolaýshylar 16,3 mln bıletti onlaın rejimde satyp alǵan. Bul 2017 jylmen salystyrǵanda 10,7 paıyzǵa artyq» - deıdi Ranking.kz
Temirjol bıletiniń suranysymen qatar baǵasy da ósken. Qańtar-sáýir aralyǵynda temirjol taasymalynyń qyzmet quny 4,9 paıyzǵa qymbattaǵan. Eń úlken baǵa ósimi Atyraý oblysynda tirkelgen. Bir jylda temirjol qyzmeti 23,6 paıyzǵa ósken. Ekinshi orynda 11,3 paıyzben Shymkent qalasy tursa, úshinshi orynǵa 10,3 paıyzben Pavlodar oblysy jaıǵasqan.
