Qazaqstandyqtardyń banktik salymdary 450 mlrd teńgege qysqardy
ASTANA. QazAqparat – Osy jyldyń qańtar aıynda ekinshi deńgeıli bank klıentteriniń salymy birden 450 mlrd teńgege qysqardy, dep habarlaıdy QazAqparat tilshisi.
Ulttyq banktiń aı saıyn jarııalaıtyn statıstıkalyq derekterine qaraǵanda, 20123 jyldyń 1 qańtarynda klınetterdiń jalpy salymy 31 598,5 mld teńgeni quraǵan. Onyń 11 592 mlrd teńgesi - shetel valıýtasy. Al 1 aqpanda bankterde qalǵan salymnyń jalpy kólemi 31 148,1 mlrd teńge boldy. Shetel valıýtasynyń mólsheri – 11 351 mlrd teńge.
Bul rette qańtar aıynyń basynda zańdy tulǵalardyń aǵymdaǵy shotynda 6 704,6 mlrd (onyń ishinde 3 742 mlrd teńgesi shetel valıýtasynda) teńge, jeke tulǵalarda 2 871,9 mlrd (shetel valıýtasynda 974,6 mlrd teńge) teńge bolǵan edi. aqpan aıynyń basynda zańdy tulǵalardyń salymy birshama qysqaryp, 6 609,7 mlrd teńge, jeke tulǵalardiki 2 488,2 mlrd teńgege deıin tómendedi.
