Qazaqstandyqtardyń azamattyq belsendiligi artty - Marat Shıbýtov

NUR-SULTAN. QazAqparat – Qazaqstandyqtar óz quqyǵyn belsendi túrde qorǵaı bastaǵan. Bul týraly QR Prezıdenti janyndaǵy Ulttyq qoǵamdyq senim keńesiniń múshesi Marat Shıbýtov aıtty, dep habarlaıdy QazAqparat tilshisi.

«Memlekettik organdarǵa kelip túsetin aryz-shaǵymdardy saraptaıtyn bolsaq, laýazymdy tulǵalardyń áreketteri men áreketsizdikterine qatysty shaǵym birinshi orynǵa shyǵady. Mundaı aryz-shaǵymdar 40%-dy quraıdy. Qoǵam laýazymdy tulǵalardyń áreketterine nemquraıly qaraýdy doǵarǵan, olar ásirese laýazymdy tulǵalar tarapynan bolǵan áreketsizdikke qatysty kóp shaǵymdanady», - dedi Marat Shıbutov QR Sybaılas jemqorlyqqa qarsy qyzmeti ótkizgen AntikorLive jobasynda.

Ol qazaqstandyqtardyń azamattyq belsendiligi arta túskenin aıtty.

«Eger kúsh-qýatty durys baǵytqa jumsasa – nátıje jaman bolmaıdy. Qazirgi ýaqytta kerekti baǵyt arnaıy monıtorıngtik toptar túrinde jáne eriktiler túrinde de bar», - deıdi ol.