Qazaqstandyqtardyń armanyndaǵy jalaqy mólsheri qandaı
ALMATY. QazAqparat - HeadHunter kompanııasynyń zertteý ortalyǵy 2019 jyly ne maqsatpen jańa jumys izdeıtinderin anyqtaý úshin qazaqstandyqtardyń arasynda saýalnama júrgizdi, dep habarlaıdy QazAqparat tilshisi.
2019 jyldyń qańtar-aqpan aılaryndaǵy eńbek naryǵyndaǵy usynys pen suranys tendentsııalaryn taldaýǵa súıensek, saýalnamaǵa Qazaqstannyń barlyq óńirinen 8 243 adam qatysqan. Negizinen 26-35 jas aralyǵyndaǵy qatysýshylar belsendi bolǵan. Olar jalpy qatysýshylardyń 39% quraıdy.
Budan tys, respondentterdiń 85% bıyl jańa jumys izdemek.
Nelikten jumysyńyzdy almastyrǵyńyz keledi degen suraqqa berilgen basty jaýap - joǵary jalaqy boldy.
«2019 jyldyń qańtar-aqpan aılarynda jumys izdeýshiler qalaıtyn jalaqy dıapazony negizinen 114 400 teńgeden 171 600 teńge aralyǵynda boldy. Ekinshi orynda - 85-114 myń teńgeniń dıapazony», - deıdi kompanııanyń marketıng jáne PR bóliminiń menedjeri Dana Qasymova.
Jyl basynan satýshy, esepshi, basqarýdaǵy esep, qarjy, ákimshilik qyzmetkerleri, óndiris, aqparat tehnologııalary, ınternet, telekom, kólik, bank qyzmetkeri, ınvestıtsııalar, lızıng, qurylys, top-menedjment sııaqty jumystarǵa suranys joǵary bolǵan.
Avtory: Gúlzat Sahova
