Qazaqstandyqtardyń aqshalaı tabystary mamyr aıynda 12 paıyzǵa artty
ASTANA. 13 shilde. QazAqparat - 2012 jylǵy mamyrda halyqtyń ortasha jan basyna shaqqandaǵy ataýly aqshalaı tabystary aldyn ala berilgen derekter boıynsha 48 859 teńgeni qurap, 2011 jylǵy tıisti kezeńmen salystyrǵanda 12,0 paıyzǵa artty.
Naqty aqshalaı tabystar 6,7 paıyzǵa ósti, dep habarlady QR Statıstıka agenttiginiń baspasóz qyzmetinen.
Aǵymdaǵy jylǵy mamyrda ortasha jan basyna shaqqandaǵy aqshalaı tabystardyń kólemi boıynsha Atyraý oblysy, Almaty qalasy jáne Mańǵystaý oblysy áli de aldyńǵy qatarda, munda osy kórsetkish ortasha respýblıkalyq deńgeıden 2,3 -1,7 esege artyq.
2012 jylǵy mamyrda tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi. Bul óńirlerde halyqtyń tabys mólsheri respýblıkalyq deńgeıdiń 61,2 jáne 76,3 paıyzyn qurady. Sonymen qatar, halyqtyń naqty aqshalaı tabystarynyń eń kóp ósý qarqyny Mańǵystaý jáne Aqtóbe oblystarynda belgilendi.
2012 jylǵy mamyrda óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy araqatynas 3,7 eseni qurady (2011 jylǵy mamyrda - 3,8 ese).
