Qazaqstandyqtardyń 92,7 paıyzy memlekettik saıasatty qoldaıdy - Demokratııa ınstıtýty

ASTANA. QazAqparat - «Demokratııa ınstıtýty» uıymynyń zertteýlerine qaraǵanda, qazaqstandyqtardyń 92,7 paıyzy memlekettik saıasat baǵytyn qoldaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte «Demokratııa ınstıtýty» qoǵamdyq uıymynyń dırektory ıÝlııa Kýchınskaıa málim etti.

«Demokratııa ınstıtýty» turaqty negizde qoǵamdyq-saıası ahýalǵa monıtorıng júrgizip keledi. Osy zertteýlerdiń sońǵy nátıjesi kórsetkenindeı, tutastaı alǵanda Qazaqstandaǵy qoǵamdyq-saıası jaǵdaıdy turaqty dep sıpattaýǵa bolady. Sonyń ishinde aıta keterligi, qazaqstandyqtardyń 90 paıyzy eldegi eń basty jetistik retinde táýelsizdik pen turaqtylyqty aıtady. Al qazaqstandyqtardyń 92,7 paıyzy búgingi memlekettik saıasat baǵytyn qoldaıdy», - deıdi ıÝ.Kýchınskaıa.

Sonymen qatar, ınstıtýt dırektorynyń sózine qaraǵanda, saýaldamaǵa qatysýshylardyń 81,8 paıyzy tutastaı alǵanda óz ómir súrý deńgeılerin qanaǵattanarlyq dep baǵalaǵan.

Aıta keteıik, «Demokratııa ınstıtýty» ǵylymı-zertteý qaýymdastyǵy» qoǵamdyq uıymy «Qazaqstannyń Azamattyq alıansy» zańdy tulǵalar birlestiginiń tapsyrysy boıynsha QR Prezıdentiniń saılaýyna baılanysty elektoraldyq naýqanǵa monıtorıng júrgizedi. Atalǵan zertteýler úsh kezeńnen turady jáne 15 naýryzdan bastalyp 18 sáýirge deıin jalǵaspaq.