Qazaqstandyqtardyń 80%-yna D dárýmeni jetispeıdi
NUR-SULTAN. QazAqparat - Ǵalymdar koronavırýstan kóp kóz jumýdy D dárýmeni jetispeýshiligimen baılanystyrady, dep habarlaıdy QazAqparat tilshisi.
«Sońǵy jyldary qazaqstandyqtarda D dárýmeniniń jetispeýshiligi kóbeıip barady. D dárýmeniniń ımmýnıtetti nyǵaıtýdaǵy róli zor. Adam aǵzasyna bul dárýmen jetispegen jaǵdaıda aýrý asqynyp ketýi múmkin», - deıdi «Olımp» klınıkalyq-dıagnostıkalyq zerthanalar jelisiniń marketıng jáne ınnovatsııalar jóninde dırektory Alekseı Balas.
Onyń aıtýynsha, qys mezgilinde Qazaqstan turǵyndarynyń 80%-yna jýyǵy D dárýmeni jetispeýshiliginen zardap shegedi.
«Bul kórsetkish kóbinese eresekterge qatysty. Balalar D dárýmeniniń profılaktıkalyq dozasyn alady. Al eresekter ol týraly umytyp ketedi, sol sebepti qys mezgilinde bilinip qalady. D dárýmeni az-kóptigin anyqtaıtyn test qazirgi kezde keń qoldanysta. Atalǵan testti ár adam dáriger nusqaýymen de, óz qalaýymen de tapsyrýyna bolady», - deıdi ol.
