Qazaqstandyqtardyń 75 paıyzy ózderin dinge senýshiler dep esepteıdi
«Bizdiń dinı aýdıtorııamyzǵa syrtqy teris yqpaldar kúsheıdi. Buǵan aqparattyq keńistiktiń ashyqtyǵy jáne jahandaný protsesteri yqpal etýde. Internet, áleýmettik jeliler men basqa da kommýnıkatsııalyq quraldar turǵyndar sanasyna jappaı ıdeologııalyq áser etýge múmkindik beredi», - dep toqtaldy mınıstr.
Onyń sózine qaraǵanda, búgingi tańda azamattardyń shamamen 10 paıyzy ózderin ateıst nemese agnostık dep sanaıdy. Azamattarymyzdyń 75 paıyzy ózderin qudaıǵa senýshiler dep esepteıdi, biraq dinı joralǵylardy turaqty ustanbaıdy. Al dindarlardyń 16 paıyzǵa jýyǵy barlyq dinı joralǵylardy oryndaıdy.
«Dinshildik deńgeıiniń ósýi radıkaldy ıdeologııaǵa yqpal etýge kóp múmkindik beredi. Qandaı aǵym men konfessııada bolmasyn, dinı fanatızm qaýip-qaterdi tóndirýi múmkin. Másele tek dinı saýattylyqta emes. Dinı bilim tıisti tárbıe men saıası saýattylyqpen baılanysta bolýy kerek», - dedi N. Ermekbaev.
Budan buryn habarlanǵandaı, Parlament Májilisindegi Úkimet saǵatynda QR Din isteri jáne azamattyq qoǵam mınıstri búgingi kúni dinı birlestiktermen birge eńseretin birqatar syn-qaterler turǵandyǵyn aıtqan edi.
