Qazaqstandyqtardyń 75 paıyzy bala tárbıesinde kúsh qoldanǵandy durys kóredi - ıÝNISEF

ASTANA. QazAqparat - Qazaqstandaǵy halyqtyń 75 paıyzy tártipke baǵynbaıtyn balalardy kúsh qoldana otyryp tárıbeleý jolyn qoldaıdy. 2010-2016 jyldary júrgizilgen zertteý nátıjesi týraly baıandaǵan ıÝNISEF-tiń Qazaqstandaǵy ókili ıÝrıı Oksamıtnyı osylaı dep málim etti, dep habarlaıdy «QazAqparat» HAA tilshisi.

«Qazaqstanda 2016 jyly biz (ıÝNISEF - avt.) Adam quqyǵy jónindegi ýákilmen birigip, atalǵan taqyrypta zertteý jumystaryn júrgizdik. Onyń qorytyndysy Qazaqstandaǵy halyqtyń 75 paıyzy balalardy tártipke baǵyndyrý úshin kúsh qoldaný ádisi durys dep esepteıtinin kórsetip otyr. ıAǵnı, halyqtyń jartysynan kóbi osyndaı pikirde. Bul áleýmettik normaǵa aınalǵandyqtan, qoǵamda balalarǵa kúsh qoldaný qarym-qatynasyna sabyrly kózqarastyń bary seziledi», - deıdi ıÝrıı Oksamıtnyı.

Onyń aıtýyna qaraǵanda, qazaqstandyq balalar úıinde de, mektep pen ınternatta da mundaı máselemen betpe-bet kelip jatady. Dese de, ıÝNISEF ókili Qazaqstanda balalardyń quqyǵyn qorǵaý baǵytynda júrgizilip jatqan jumysqa joǵary baǵa berdi.

«Qazaqstanda balalar quqyǵy jóninde quzyrly organnyń qurylýy bul baǵytqa tyń serpin berdi. Bul jumysta biz ashyqtyqqa, zor jaýapkershilik pen taldamaly túrdegi amalǵa basa den qoıamyz. Eń jaqsysy, ózekti máselelerdi sheshýge kelgende Qazaqstan qashan da ashyqtyq tanytyp keledi», - deıdi ıÝ.Oksamıtnyı.

 

Ol sonymen birge, ótken jyly ıÝNISEF uıymynyń jahandyq esebi jarııalanǵanyn, onyń qorytyndysy boıynsha, álemde 300 mıllıonǵa jýyq bala óz úıinde psıhologııalyq qysymǵa nemese kúsh qoldaný jaǵdaıyna tap bolatynyn aıtady.

«Zertteý jumystary júrgizilgen otyzǵa jýyq elde bir jastaǵy 10 balanyń altaýy tárbıeleý úshin kúsh qoldaný jaǵdaıyna tap bolyp jatady», - deıdi ol.

Eske sala ketsek, BUU Balalar Qory (ıÝNISEF) Qazaqstanda balalarǵa qarsy zorlyq-zombylyqtyń aldyn alý jəne zańǵa tartylǵan balalardyń məselelerin sheshý úshin eki kommýnıkatsııalyq naýqandy bastady.

Kommýnıkatsııalyq jobalar bala tərbıesi məselesinde qoǵam men ata-analardyń təjirıbesindegi ədis-amaldardy, jaısyz əleýmettik normalardy ózgertýge baǵyttalǵan. Birinshi kommýnıkatsııalyq naýqan jas ata-analardyń, sondaı-aq osy məselege kelgende zorlyq-zombylyqqa jol bermeý amaly boıynsha qoǵamnyń bilim-biligin arttyrýdy kózdeıdi. Al ekinshi naýqan zańǵa tartylǵan balalardyń quqyǵyn qorǵaýǵa baǵyttalǵan. Kommýnıkatsııalyq naýqan Qazaqstannyń alty oblysynda, atap aıtqanda, Astana men Almaty qalalarynda, ShQO, OQO, Aqtóbe, Mańǵystaý, Qyzylorda oblystarynda bastalady.