Qazaqstandyqtardyń 64 paıyzy ınternetti smartfon arqyly paıdalanady

ASTANA. QazAqparat - Qazaqstandyqtardyń 64 paıyzy ınternetti smartfon arqyly paıdalanady. Bul týraly búgin Úkimettiń selektorlyq rejimdegi otyrysynda QR Aqparat jáne kommýnıkatsııalar mınıstri Dáýren Abaev aıtty, dep habarlaıdy QazAqparat tilshisi.

«Qazaqstandyqtardyń 64 paıyzy smartfondary arqyly ınternetti paıdalanady. Sondyqtan da biz elektrondy úkimettiń mGov mobıldi qosymshasyn damytýǵa erekshe nazar aýdaryp otyrmyz», - dedi mınıstr.

Onyń aıtýynsha, búgingi tańda mGov arqyly 87 qyzmet pen servısti ǵana paıdalanýǵa múmkindik bar. Sol sebepti mınıstrlik mobıldi jáne veb-versııalardyń qatar damýyna kóńil bólýde.

«Bul qosymshany qazir 1,3 mıllıon azamat paıdalanyp otyr. 2018 jyldyń ózinde m-Gov arqyly 3,6 mln qyzmet kórsetilgen», - dedi Dáýren Abaev.