Qazaqstandyqtardyń 43% óz kásibin ashýdy armandaıdy

ASTANA. QazAqparat - HeadHunter servısiniń taldaýshylary 3-26 qazan aralyǵynda saıttyń 845 paıdalanýshysy arasynda saýalnama júrgizip, qazaqstandyqtardyń jartysyna jýyǵy óz kásibin bastyǵysy keletinin anyqtady, dep habarlaıdy QazAqparat.

Saýalnama nátıjesi boıynsha respondentterdiń 43% - y óz isin ashýdy armandaıdy. Olardyń 27%-y jaqyn arada bıznesti bastaýǵa nıetti, 65%-y eki-úsh jyl ishinde óz jobasymen aınalyspaqshy. Respondentterdiń kópshiligi óz bıznesin qyzmet kórsetý, satý, óner, bólshek saýda jáne qarjy salalarynda bastaǵysy keledi.

Barlyq kásip ashqysy kelgen respondentterdiń 21%-ynyń bastapqy kapıtaly bar, 25%-y naryq pen básekelestikti taldaý ústinde, 38%-y bıznes-jospar daıyndaýmen aınalyssa, 16%-y joba tujyrymdamasyn jazyp jatyr.

Áleýetti kásipkerlerdiń negizgi tosqaýyldary men qorqynyshtary:

1) Bastapqy kapıtaldyń bolmaýy;

2) Jańa lokdaýndardyń paıda bolýy;

3) Durys emes bıznes úlgisin tańdap, shyǵynǵa batýdan qorqý.

30 jasqa deıingi áleýetti kásipkerler aqsha máselesinen qorqady, egde jastaǵy adamdar kenetten paıda bolatyn lokdaýndar men qosymsha zańnamalyq shekteýlerge baılanysty týyndaıtyn qolaısyzdyqtardan qorqady.