Qazaqstandyqtardyń 22,8 paıyzynyń tabysy kúnkóris mólsherinen tómen
ASTANA. 11 jeltoqsan. QazAqparat - Elimizde tabysy kúnkóris mólsherinen tómen azamattardyń sany 22,8 paıyzdy quraıdy.
Búgin Parlament Májilisinde elimizdegi azyq-túlik ónimderiniń baǵasyn retteý máselelerin talqylaý barysynda depýtat Ýálıhan Bıshimbaev osylaı málim etti.
«Azyq-túlikke baǵanyń kúrt ósýi jaǵdaıynda tabysy kúnkóristiń eń tómengi mólsherinen az azamattardyń jaǵdaıyn da esten shyǵarmaýymyz kerek. Statıstıka agenttiginiń málimetterine qarasaq, elimizde ortasha jan basyna shaqqandaǵy tabysy kúnkóristiń eń tómengi mólsherinen az azamattardyń sany 22,8 paıyzdy quraıdy. Budan bólek, ózin-ózi jumyspen qamtyǵandar sanattaǵylar da bar, olardyń sany 2 mln. 750 myń adamdy qurap otyr. Bul sanattaǵylardyń tabysy da tolyq eseptelmeıdi, olardyń arasynda baılar da kún kórisi qıyn kedeıler de barshylyq», - deıdi Ý. Bıshimbaev.
