Qazaqstandyqtardyń 1,1 mlrd teńgeden astam jalaqy bereshegi óteldi

NUR-SULTAN. QazAqparat – Jyl basynan beri el turǵyndarynyń 1,1 mlrd teńgeden astam tólenbegen jalaqylary ótelgen. Mundaı derekterdi Bas prokýratýra keltirdi, dep habarlaıdy QazAqparat tilshisi.

«184 myńnan astam adamnyń eńbek quqyqtary qalpyna keltirildi. Azamattardyń jalpy sommasy 1,1 mlrd teńgeden asatyn tólenbegen jalaqylary óteldi. Ákimshilik quqyq buzýshylyq isteri boıynsha 2,1 myńnan astam sot aktileri túzetildi. Nátıjesinde 6,7 mlrd teńge bolatyn bıýdjet shyǵynynyń aldyn aldyq», - dep málim etti quzyrly organnyń baspasóz qyzmetinen.

Buǵan qosa, prokýratýra bıylǵy 6 aıda áleýmettik-ekonomıkalyq sala boıynsha qabyldaǵan sharalarynyń nátıjelerimen de bólisti.

«Áleýmettik-ekonomıkalyq sala boıynsha prokýrorlardyń aktileri negizinde 8 myńnan astam zań buzýshylyq joıyldy. Bıýdjetke 15 mlrd teńgeden astam qarajat qaıtaryldy. Ártúrli jaýapkershilikke 14,5 myń adam tartyldy», - dep qorytyndylady Bas prokýratýra.

Qosa ketsek, atalǵan vedomstvo bıyl bızneske qatysty 6,2 myńnan astam zańsyz tekserýlerdiń jolyn kesken.