Qazaqstandyqtardy jarqyn bolashaq, turaqty damý kútip tur - K.Shtrens
ASTANA. QazAqparat - Qazaqstandyqtardy jarqyn bolashaq, turaqty damý kútip tur, dep esepteıdi eldegi kezekten tys prezıdenttik saılaýǵa halyqaralyq baqylaýshy retinde kelgen Býndestag depýtaty Karın Shtrens.
«2009 jyldan beri men Býndestag depýtaty bolyp tabylamyn. Sondaı-aq Qazaqstan men Ortalyq Azııa arasyndaǵy áriptestik jónindegi parlamentaralyq toptyń múshesimin. Ortalyq Azııada memleketter baryn bilemiz, biraq Qazaqstan meniń júregimde. Sebebi men osy elde san ret bolǵanmyn. Saılaý úderisterine qatystym, bıznes delegatsııalarmen de birge kelgen bolatynmyn. Ekonomıkalyq qatynastar salasynda da qyzyqty baılanystar ornaǵan. Ásirese, Germanııanyń soltústik bóligimen. Osy aımaq boıynsha jumysqa men jetekshilik etemin. Mamyrda biz Qazaqstanǵa delegatsııalar ákelýdi josparlaýdamyz. Búgin biz Kókshetaý qalasynda bolyp, saılaý úderisin baqyladyq», - dedi ol.
Onyń aıtýynsha, Germanııa delegattary qosymsha Qazaqstannyń birqatar quzyrly organdarmen kezdesken. Ol júzdesýler Germanııanyń soltústik bóligimen jańa jobalardy iske asyrý maqsatynda boldy.
«Bir jerden ekinshi jerge jetý úshin kóp ýaqyt alady. Germanııa men Qazaqstandy kóp jylǵy dostyq baılanystyrady, sonymen qatar eki halyq arasyndaǵy senimdilik te úlken mańyzdy ról atqarady. Senimdiliktiń arqasynda biz saıası turǵyda baılanystardy odan ári damytqymyz keledi. Bolashaq qazir - Shyǵysta», - dep atap ótti ol.
«Bizge búgin Qazaqstanda bolý jáne baıqaýshy retinde qatysý úlken qýanysh. Bizge máselen qazaqstandyqtardyń qansha paıyzy saılaýǵa qatysqany qyzyqtyrady. Saılaýda eń joǵary múmkindik qazirgi Prezıdenttiń enshisinde dep oılaımyz. Qazaqstandyqtardy jarqyn bolashaq pen turaqty damý kútip tur», - dep túıdi sózin K.Shtrens.
