Qazaqstandyqtardy qajylyqqa aparý úshin 10 týrıstik fırma ótinim berdi
ASTANA. QazAqparat - Qazaqstan musylmandary dinı basqarmasy (QMDB) 2016 jyldyń basynda Saýd Arabııa Koroldigi (SAK) Qajylyq mınıstrliginiń jańa talaptaryna oraı, elimizdegi qajylyqpen aınalysýǵa úmitker týrıstik fırmalar arasynda alǵash ret ashyq konkýrs jarııalaǵan bolatyn. Konkýrs talaptary aqparat quraldarynda jarııalandy, dep habarlaıdy QMDB baspasóz qyzmeti.
Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń buıryǵymen arnaıy Qajylyq komıssııasy quryldy. Komıssııasynyń músheleri kompanııalardan talap etiletin tıisti qujattardy 2016 jyldyń 16 mamyryna deıin qabyldaıtynyn resmı málimdedi. 16 mamyrda konkýrsqa qujattardy qabyldaý jumysy toqtatyldy.
Qujattardy qabyldaý merzimi toqtatylǵan kúni, ıaǵnı 16 mamyrda Almaty qalasyndaǵy Dinı basqarma ǵımaratynda Qajylyq komıssııasynyń májilisi ótti. Májiliske QMDB tóraǵa orynbasary, naıb múftı Serikbaı qajy Oraz, QMDB Apparat jetekshisi Ǵylymbek Májıev, QMDB bólim basshylary jáne qajylyq kompanııalarynyń jetekshileri qatysty.
Qajylyq komıssııasy QMDB jarııalaǵan konkýrsqa 10 týrfırma qatysý týraly ótinish bildirgenin atap ótti. Onyń tizimi tómendegideı:
1. «Hıdaıat nur»;
2. «ıAssaýı»;
3. «Atlas týrızm»;
4. «Hıkmet trevel»;
5. «Delta trevel»;
6. «Qyzmet saıahat»;
7. «Ál-marýa»;
8. «Sanabl»;
9. «Ańsar krýız»;
10. «Nur-Qazaqstan».
Qalǵan kompanııalar tizimde kórsetilgen 10 fırmanyń quramyna endi. Atap aıtqanda, «Sembekova ı K» fırmasy «ıAassaýı» kompanııasymen birikti. «Káýsar saıahat» kompanııasy «Delta trevel» fırmasynyń quramyna endi. «Iman trevel» fırmalary - «Ál-Marýa» kompanııasymen, «Robınzon» - «Sanabl» fırmasymen, «Ordabasy» - «Ansar krýız» fırmasymen, «Mına týr», «TVV týr» kompanııalary «Nur Qazaqstan» fırmasymen birikti.
«Atalǵan 10 týrıstik fırmadan ǵana tıisti qujattardy qabyldadyq. Osy jyly ótinish bildirgen 10 týrfırmamen jumys jasaýǵa nıettimiz. Alaıda Sizder osymen bul konkýrstan tolyq óttińizder degen sóz emes. Konkýrstyń negizgi úlken eki talabyn oryndaýlaryńyz mindetti. Ol úshin qosymsha ýaqyt beriledi. Osy eki talapty oryndaǵan soń Sizder konkýrstan ótken bolyp sanalasyzdar», - dedi Qajylyq komıssııasynyń tóraǵasy Serikbaı Oraz.
Komıssııanyń sheshimine sáıkes, belgilengen merzim ishinde negizgi eki talapty oryndaǵan jaǵdaıda ǵana atalǵan fırmalardyń konkýrstan ótkendigi rastalady.
Birinshisi: 2016 jyldyń 23 mamyryna deıin áýe tasymalymen aınalysatyn «Flaı Nas» áýe kompanııalarynyń operatorlaryna bılet qarjysynyń 300 kisige keminde 30% (paıyz) tólengeni týraly túbirtektiń bolýy;
Ekinshisi: 2016 jyldyń 30 mamyryna deıin SAK Qajylyq mınıstrliginiń jańa talaptaryna sáıkes, Hadj chek (qajylardy Jıdda-Mekke-Madına qalalaryna tasymaldaý jáne Mına men Arafat jazyǵyndaǵy shatyrlarda ornalasý úshin tólenetin jarna) qarjysynyń 300 kisige tólengendigi týraly túbirtektiń bolýy.
Atalǵan osy eki talapty oryndaǵan týrfırmalarǵa 2016 jylǵy qajylyq maýsymynda qyzmet etýine ruqsat beriledi.
