Qazaqstandyqtardy daý-janjaldy sheshýde medıatorlarlardyń kómegine júginýge shaqyrdy (FOTO)
«Medıatsııanyń daý-janjaldardy sottan tys, balamaly ári beıbit túrde sheshýdiń birden-bir joly retinde elimizde damytý jáne tanymaldylyǵyn arttyrý maqsatynda «Medıatsııa kúnin» uıymdastyryp otyrmyz. Onyń aıasynda ashyq esik kúni ótedi. Jalpy, respýblıka boıynsha biz 300-den astam kabınet ashyp, eldiń kásibı medıatorlarynyń tegin keńesterin uıymdastyramyz. Onyń aıasynda trenıngter de ótkiziletin bolady», - deıdi Qoǵamdyq kelisim medıatsııany damytý bóliminiń bas sarapshysy Dáýren Alpamysuly.
Astanada ashyq esik kúni aýdandyq sottardaǵy medıatsııa kabınetterinde, «Quqyq» qoǵamdyq qorynyń (Abaı kóshesi, 92/3), «Kelisý» kásibı medıatorlar odaǵy» («Almaty» iskerlik úıi, 408-keńse) bazasynda ótpek.
Astanada úsh kún boıy kásibı jáne kásibı emes medıatorlar tegin keńes beretin bolady.
«Ashyq esik kúni saǵat 10:00-den 13:00-ge deıin ótkiziledi, eger nıet tanytýshy azamattar kóptep kelip jatatyn bolsa, onyń ýaqytyn 17:00-ge deıin uzartý josparda bar», - deıdi D.Alpamysuly.
Sonymen qatar Qoǵamdyq kelisim janynan respýblıka qurylǵan 17 medıatsııa kabınetterinde de halyqty qabyldaý júrgiziledi.
«Biz bul is-sharany medıatsııany damytý maqsatynda qolǵa alyp otyrmyz, sondaı-aq halyqty da qabyldap, tegin keńester bergenimiz abzal dep sheshtik. Medıatsııa ınstıtýty bizde tanymal emes. Azamattar birden sotqa barady. Medıatsııa - daý-janjaldy sottan tys, jyldam ári qoljetimdi sheshýdiń tıimdi ádisi. Bul álemde keń taraǵan tájirıbe: sottardyń jumysyn azaıtý úshin, azamattar sotqa deıin medıatorlarǵa júginedi», - dep jalǵady sózin Dáýren Alpamysuly.
QHA atalmysh shara eldegi medıatsııanyń damýyna úlken serpin beredi dep senedi. Sonymen qatar osy arqyly QHA-ǵa qarasty medıatsııa qyzmetteriniń jumysyn júıeleýdi josparlap otyr.
Eske sala keteıik, 2011 jylǵy 5 tamyzda zańdy kúshine engen «Medıatsııa týraly» Zań qabyldanyp, qoldanysqa endi. Osy zań Qazaqstan Respýblıkasynda medıatsııany uıymdastyrý salasyndaǵy qoǵamdyq qatynastardy retteıdi, ony júrgizý qaǵıdattarymen rəsimin, sondaı-aq medıatordyń mərtebesin aıqyndaıdy. Medıatsııa týraly zań qabyldanǵaly beri az ýaqyt ishinde, quqyq qorǵaý salasyna sińe bergen saıyn, quqyqtyq respýblıkanyń jarqyn keleshegi jaqyndaı beredi.
Medıatsııanyń maqsaty - daýdy bitimgershilikpen sheshýdiń eki tarapty da qanaǵattandyratyn nusqasyna qol jetkizý. Medıatsııany júrgizý kezinde eriktilik, qupııalyq, medıatordyń təýelsizdigi men beıtaraptyǵy jəne medıatsııa taraptarynyń teń quqylyǵy men onyń rəsimine aralasýǵa jol bermeýshilik qaǵıdattary saqtalýy tıis. Medıatsııa təsili sot isindegi tazalyqty, ədil tórelikti qamtamasyz etýdiń negizgi təsilderiniń biri.
