Qazaqstandyqtardy bir-birine kómektesýge, ózin jáne jaqyndaryn qorǵaýǵa shaqyramyn - Prezıdent
NUR-SULTAN. QazAqparat – Elimizde koronavırýsqa qatysty arandatýshy aqparat taratyp, halyqty túrliktiretin jaǵdaı týdyrýǵa talpynǵandar zań júzinde jazasyn alady. Bul týraly memleket basshysy Qasym-Jomart Toqaev úndeýinde aıtty, dep habarlaıdy QazAqparat tilshisi.
«Arandatýshy aqparat taratyp, halyqty túrliktiretin jaǵdaı týdyrýǵa talpynǵandar zań júzinde jazasyn alady. Qazaqstannyń barlyq azamatyn sabyr saqtap, bir-birine kómektesýge, ózin jáne jaqyndaryn qorǵaýǵa shaqyramyn. Halqymyzdyń rýhy kúshti, ásirese búgingi kúni bizge optımızm qajet jáne ómirge pozıtıvti qaraý asa mańyzdy», - dedi Memleket basshysy Qasym-Jomart Toqaev koronavırýsqa qatysty úndeýinde.
Sondaı-aq, ol qazaq halqy basynan nebir qıyn kezeńderdi ótkizgenin aıtty.
«Biz tarıhymyzda basymyzdan nebir qıyndyqtardy ótkizgen halyqpyz, sol synaqtardan eń aldymen bereke-birliktiń arqasynda súrinbeı óttik. Búkil halyqty judyryqtaı jumylýǵa, sabyr saqtaýǵa shaqyramyn. Bul kúrdeli jaǵdaıdy bárimiz birge eńseremiz dep senemin. Halqymyz – aman, jurtymyz – tynysh bolsyn. Biz birgemiz!», - dedi ol.
Eske sala ketsek, keshe QR Prezıdenti Jarlyǵymen Qazaqstan Respýblıkasynda tótenshe jaǵdaı jarııalandy.
