Qazaqstandyqtardan zańsyz qarý-jaraqty satyp alý bastaldy - ІІM
ASTANA. QazAqparat - Sońǵy bes jyldyń ishinde zańsyz qarý-jaraqty satyp alý aktsııalary kezinde azamattar óz erkimen 47 myń qarýdy, 250 jarylǵysh zat pen 1,7 mln dana oq-dárini aqshaǵa aıyrbastady, dep xabarlaıdy QazAqparat tilshisi.
«Jalpy, bes jylda qarýdy óz erkimen tapsyrǵan adamdarǵa 1 mlrd 418 mln teńge tólendi. Aqshany alǵandardyń sany 38 myń adamdy (árqaısysyna shamamen 37 315 teńgeden keledi - avt.) qurady. Atalǵan sharalardyń tıimdiligi zor. Jyl saıyn qarý-jaraqpen qylmys jasaý kórsetkishi tómendep keledi. Jalpy, ondaı qylmystar 45 paıyzǵa azaıdy», - dedi Ákimshilik polıtsııa komıteti tóraǵasynyń orynbasary Maqsat Baıbolov Astanada ótken baspasóz máslıxatynda.
Onyń aıtýynsha, búgin, 10 sáýirden bastap zańsyz qarý-jaraqty satyp alý boıynsha kezekti aktsııasy bastaldy. Osy maqsatta respýblıkalyq bıýdjetten 125 mln teńge bólindi. «Qarý-jaraqty óz erkimen tapsyrý týraly mınıstrdiń arnaıy buıryǵy da bar. Oǵan sáıkes, zańsyz qarýdy tapsyrǵan azamattar qylmystyq jáne ákimshilik jaýapqa tartylmaıdy. Osyǵan baılanysty barlyq azamattardy zańsyz qarý-jaraqty tapsyrýǵa shaqyramyn», - dep atap ótti M.Baıbolov.
Aıta keteıik, búgingi sharada komıtet tóraǵasynyń orynbasary polıtsııanyń xalyq arasyndaǵy kómekshileri qansha aqsha alatynyn aıtyp berdi.
Foto: Park72.ru
