Qazaqstandyqtardan úsh kúnde 162 qarý tárkilendi - ІІM
ASTANA. QazAqparat - Úsh kún ishinde el óńirlerinde 4 kelige jýyq esirtki, 162 qarý, 16 dana jarylǵysh zat pen oq-dáriler tárkilendi. Bul týraly QR Іshki ister mınıstrliginiń baspasóz qyzmetinen málim etti, dep habarlaıdy QazAqparat.
Qazaqstanda 18-20 naýryz kúnderi aralyǵynda «Quqyqtyq tártip» jedel-aldyn alý sharasy ótti.
«Jedel-aldyn alý sharasyn ótkizý kezinde barlyǵy 1,5 myń qylmys tirkeldi. Sonyń ishinde qoǵamdyq oryndarda - 205, kóshelerde - 61 qylmys esepke alyndy. Іzi sýymaı ashylǵan qylmystar 60% qurady. Tyıym salynǵan zattardy saqtap, tasymaldaǵany úshin - 192 adam, sonyń ishinde esirtki zattaryn saqtaǵany úshin 48 adam ustaldy», - delingen habarlamada.
Sondaı-aq 3,6 keli esirtki, naqtyraq aıtqanda 770 gram geroın tárkilendi, 162 dana qarý, 16 dana jarylǵysh qurylǵy men oq-dáriler alyndy.
«Buǵan qosa, 40 299 ákimshilik quqyqbuzýshylyq, dálirek toqtalsaq 2 632 usaq buzaqylyq, 4 653 spırttik ishimdik ishý nemese qoǵamdyq oryndarǵa mas kúıinde kelý faktisi, jolaýshylardy zańsyz tasymaldaýdyń - 103 faktisi tirkeldi», - dep habarlady QR ІІM baspasóz qyzmetinen.
Sonymen qatar Qazaqstan aýmaǵynda turý erejesin buzýdyń - 3 638, uıaly telefondardy paıdalaný erejesin buzýdyń - 3 243, jyldamdyqty shamadan tys arttyrýdyń 6 392 faktisi esepke alyndy. Munyń ishinde 124-i joldyń qarsy betine shyǵý, 160-y temir joldan ótý tártibin buzý, 376-sy avtokólikti mas kúıinde basqarýǵa qatysty.
Sonymen birge Qazaqstan Respýblıkasynda bolý tártibin buzýdyń 1 826 myń faktisi anyqtaldy. Qabyldap-taratý oryndaryna 461 adam jetkizildi. Onyń 313-i shetel azamaty. Ýaqytsha beıimdeý ortalyǵyna 1 495 myń adam jiberildi. Іshki ister organdarynyń foto-beıne esebine 5 501 adam qoıyldy.
Mınıstrliktiń málimetine súıensek, jedel aldyn alý sharasy bastalǵannan 24 mal urlyǵy tirkelip, onyń ishinde buryn urlanǵan maldardyń 36 faktisi ashyldy.
