Qazaqstandyqtardan travmatıkalyq qarý satyp alyna bastady
ASTANA. QazAqparat - 2015 jyldyń 1 qańtarynan bastap, qazaqstandyqtardan travmatıkalyq qarý satyp alyna bastady. Búgin Astanada ótken arnaıy reıd barysynda birqatar elordalyq travmatıkalyq qarýlaryn tapsyrdy.
«2016 jyldyń 1 qańtarynan bastap, travmatıkalyq qarýdy saqtaý zańsyz bolyp tabylady. Sol maqsatta QR ІІM 2015 jyldyń 1 qańtarynan 2016 jylǵa deıin halyqtan erikti túrde travmatıkalyq qarýdy satyp alý naýqanyn bastady. 2016 jyldan bastap, travmatıkalyq qarý saqtaǵandar ákimshilik nemese qylmystyq jaýapkershilikke tartylady. Onyń quny shyǵarylǵan jylyna jáne qarýdyń markasyna baılanysty anyqtalady. Biz byltyrdan beri túsindirý jumystaryn jasap kelemiz, sodan beri turǵyndardyń kóp bóligi ózderiniń ıeligindegi travmatıkalyq qarýlardy erikti túrde tapsyrdy», - deıdi Astana qalasy Saryarqa aýdandyq Іshki ister basarmasynyń bas ınspektory Arnur Mahanov.
Polıtseılerdiń málimetinshe, qylmystyń basym bóligi osy travmatıkamen jasalady. Qazirgi tańda aınalymda 40 myńnan astam zańsyz qarý júr. Ony jappaı satyp alýǵa el bıýdjetinen 2 mıllıard teńge bólingen. Travmatıkalyq qarýǵa «Іshki ister organdary týraly» zańǵa engizilgen ózgeriske saı qyzmettik qarý-jaraq sanatyna jatqyzylyp, qarapaıym turǵyndardyń qoldanýyna tyıym salyndy.
