Qazaqstandyqtar zııatkerlik menshikke patent alýda belsendi bola tústi
«Zııatkerlik menshik nysandaryn tirkeýge berilgen jalpy ótinimder 2016 jylmen salystyrǵanda 2,5 paıyzǵa artty. Máselen, taýarlyq belgilerge bergen ótinimderdiń sany - 0,8, óner tabysqa - 0,6, paıdaly modelderge - 16,3, selektsııalyq jetistikterge - 94, taýardyń shyqqan jeriniń ataýyna 100 paıyzǵa artty», - dedi ol Ádilet mınıstrliginiń keńeıtilgen alqa májilisinde.
Onyń aıtýynsha, elektrondy túrde berilgen ótinimderdiń sany 47,5 paıyzǵa artqan. Tolyqtaı alǵanda, memlekettik qyzmet kórsetýge berilgen ótinimderdiń sany 2,5 paıyzǵa ulǵaıǵan. 2016 jylmen salystyrǵanda paıdaly modelderge berilgen patentterdiń úlesi 2,4 paıyzǵa kóbeıgen.
Sonymen qatar vıtse-mınıstrdiń sózine qaraǵanda, 2017 jyly taýar belgilerin paıdalaný boıynsha zańnama talaptarynyń saqtalýyna 208 tekserý júrgizilgen. Bul 2016 jylǵy tekserýlerden 13 faktige artyq.
«Tekserý nátıjesinde 168 quqyq buzýshylyq anyqtaldy. Salystyrý úshin aıtar bolsaq, 2016 jyly 67 quqyq buzýshylyq anyqtalǵan edi. QR ÁQBK 158-baby boıynsha 167 ákimshilik is qozǵalyp, sottar 159 isti qarady. Ákimshilik jaýapkershilikke 158 tulǵa tartyldy. Taǵy 8 ákimshilik is sot qaraýynda», - dedi Natalıa Pan.
