Qazaqstandyqtar jyl basynan beri kólik satyp alýǵa 127 mlrd teńge jumsaǵan
NUR-SULTAN. QazAqparat - Qazaqstandyqtar jyl basynan beri avtokólik satyp alýǵa 127 mlrd teńge nemese 248,8 mln dollar jumsaǵan, dep habarlaıdy QazAqparat tilshisi Qazaqstan avtokólik qaýymdastyǵyna silteme jasap.
«Atap aıtqanda, el turǵyndary otandyq naryqta Toyota markaly avtokólikti satyp alý úshin 41,6 mlrd teńge jumsady. Sol sekildi Hyundai markaly kólikter úshin 19,5 mlrd teńgege, Lada markasy úshin 12,6 mlrd teńgege shyǵyndalǵan», - delingen qaýymdastyqtyń habarlamasynda.
Aıtarlyqtaı ósimdi Hyundai markasy kórsetip otyr. 2019 jylǵy qańtar men naýryz aralyǵynda atalmysh marka boıynsha 2 351 avto (+84%) satyp alynyp, Hyundai kóshbasshy markalardyń izin basyp keledi.
«Eń kóp satylatyn jeńil kólik markalarynyń ondyǵyn Lada (3 420, +29%) bastap tur. Al Toyota dılerleri alǵashqy toqsanda - 2 906 dana kólik satqan. Joǵaryda atalǵandaı, Hyundai markasy úshinshi orynnan kórinse, odan keıingi oryndarǵa Kia (864, +58%), Renault (504, +131%), Nissan (472, +18%), Volkswagen (392, +57%), Lexus (338, +81 %), UAZ (310, +31%) jáne Skoda (178, +162%) jaıǵasqan», - delingen habarlamada.
Modelder boıynsha qazaqstandyq kóshbasshy kólikter mynalar: Toyota Camry (1461), Lada Granta (1328), Hyundai Tucson (934), Lada 4x4 (717), Lada Vesta (715), Hyundai Accent (593), Toyota LC Prado (509), Lada Largus (501), Hyundai Elantra (481) jáne Kia Rio (361).
