Qazaqstandyqtar jyl basynan beri dúken men bazarlarǵa qansha aqsha shyǵyndady
NUR-SULTAN. QazAqparat – 2019 jyldyń qańtar-qarasha aılaryndaǵy bólshek saýda kólemi 10 mlrd teńgege jetti.
Bul ótken jyldyń osy kezeńimen salystyrǵanda 12,5%-ǵa artyq. Al naqty kólem ındeksi 105,6%-dy quraǵan (bir jyl buryn – 106,4% boldy), dep habarlaıdy QazAqparat ranking.kz-ke silteme jasap.
Bólshek saýdanyń menshikti salmaǵy 30,7%-dy qurady (bir jyl buryn 31% bolǵan).
Bólshek saýda kólem boıynsha 2017 jyldyń jeltoqsanynda alǵash ret trıllıon teńgege jetken bolatyn, sodan keıin 2018-diń jeltoqsanynda, al 2019 jyly trıllıon teńge úsh ret eńserildi – shilde, tamyz jáne qyrkúıek aılarynda, sonymen qatar tamyz aıynda jalpy kólem 1,1 trln teńgege jetti.
Bólshek saýda kólem boıynsha bıylǵy jeltoqsanda da trıllıon teńgege jetedi, óıtkeni jeltoqsanda jyl ishindegi eń joǵarǵy kórsetkish baıqalady.
QR aımaqtary boıynsha 2019 jyldyń qańtar-jeltoqsan aılaryndaǵy bólshek saýdanyń eń úlken kólemi Almaty – 3,1 trln teńge (FKI – 112%) jáne Nur-Sultan qalasyna - 1,1 trln tg (FKI – 104,6%) tıesili. Qazaqstandaǵy barlyq resmı bólshek saýda oryndarynyń 42,7% osy eki qalanyń enshisinde. Odan keıingi oryndarda Qaraǵandy oblysy tur.
Saýda kóleminiń ósýi Qazaqstannyń barlyq aımaqtarynda baıqalǵan, eń tómengi kórsetkishter eldiń batysynda: Atyraý oblysy (FKI – 100,3%), Batys Qazaqstan oblysy (FKI - 100,4%), Mańǵystaý (FKI - 100,4%), sonymen qatar Aqtóbe oblysynda (FKI - 100,7%).
Bólshek saýdanyń ekiden úsh bóligi, ıaǵnı 6,7 trln tg azyq-túlik taýarlaryna jatpaıdy, jyldyq ósimi - 11,6%, al qalǵan 3,3 trln tg azyq-túlik ónimderi, jyldyq ósimi - 14,4%.
