Qazaqstandyqtar júrgizýshi kýálikterin avtomektepterde oqymaı-aq ala alatyn bolady
ASTANA. QazAqparat - Qazaqstandyqtar júrgizýshi kýálikterin avtomektepterde oqymaı-aq ala alatyn bolady. Bul týraly búgin QR Іshki ister mınıstriniń orynbasary Erlan Turǵymbaev málim etti.
Mototsıkl men jeńil kólik basqarýǵa quqyq beretin júrgizýshi kýáligin endi avtomektepte oqymaı-aq alýǵa múmkindik beretin jańa zań jaqyn bolashaqta qabyldanýy tıis. Ózdiginen bilim alǵan bolashaq júrgizýshiler emtıhandy tek arnaıy HQKO-da ǵana tapsyra alatyn bolady.
«Bul neni bildiredi? Bizde qazir bilimdi jekemenshik avtomektepterde alady. Degenmen bizde kitaptar bar, ınternette aqparattar da jeterlik. Jolda júrý erejelerine kez kelgen azamat qol jetkize alady. Ózdiginen synaq suraqtaryna daıyndalady. Praktıkalyq sabaqtar úshin jeke kompanııa kólikterin jaldaı alady. Ondaı azamattar arnaıy HQKO-ǵa ótinish tastap, ózdiginen emtıhan tapsyra alýyna múmkindik beriledi. Demek, avtomektepke ýaqyt sarp etpeı-aq, kýálik alsa da bolady», - dedi QR ІІM mınıstriniń orynbasary.
Onyń aıtýynsha, mundaı jańashyldyq 1 sáýirden bastap enedi.
