Qazaqstandyqtar júrgizýshi kýálikterin aýystyrý kezinde emtıhan tapsyrmaıtyn bolady
ASTANA. QazAqparat - Qazaqstandyqtar merzimi aıaqtalǵan júrgizýshi kýálikterin aýystyrý kezinde jolda júrý erejeleri emtıhanyn tapsyrmaıtyn bolady. Bul týraly búgin QR Іshki ister mınıstriniń orynbasary Erlan Turǵymbaev málim etti.
«Qazirgi ýaqytta májiliste qaralyp jatqan jol erejelerine qatysty zań jobasy boıynsha merzimi aıaqtalǵan júrgizýshi kýálikterin aýystyrý kezinde azamattar jolda júrý erejeleri emtıhanyn qaıtadan tapsyrý qajet degen bap alynyp tastalmaq», - dep atap ótti ol búgin QR ІІM-de ótken baspasóz máslıhatynda.
Oıyń aıtýynsha, jańa zań jobasynda kórsetilgenindeı, merzimi aıaqtalǵan kýálikterdi azamattarǵa bir jyl ishinde aýystyrýǵa múmkindik berilmek.
Sonymen qatar QR ІІM Astana, Almaty, Qaraǵandy, Qostanaı jáne Pavlodar qalalarynyń arnaıy halyqqa qyzmet kórsetý ortalyqtarynda azamattardyń tirkelgen jerine qaramastan júrgizýshi kýálikterin berý jónindegi máseleni de qarastyrýda. Sebebi ol qalalar respýblıkalyq bazadaǵy aqparattarǵa qol jetkizip otyr.
