Qazaqstandyqtar jeltoqsan aıynda 1,4 trln teńgege saýda jasady

ALMATY. QazAqparat – Ótken jyldyń sońǵy aıynda qazaqstandyqtar dúkender men bazarlarda 1,4 trln teńge jumsady, dep habarlaıdy QazAqparat tilshisi ranking.kz silteme jasap.

Ranking.kz mamandarynyń málimetinshe, qazaqstandyqtar qarasha aıynda 956,6 mıllıard teńge, al 2018 jyldyń jeltoqsanynda 1,22 trıllıon teńge jumsaǵan.

2019 jyldyń jeltoqsanynda bólshek saýdanyń naqty ósimi qarashaǵa qaraǵanda 44,8%, 2018 jyldyń jeltoqsanyna qaraǵanda 7,3% boldy.

Kassalar boıynsha resmı júrgizilgen bólshek saýda kólemi jaǵynan Almaty kósh bastap tur – 451,5 mıllıard teńge, 2018 jyldyń jeltoqsanynda kórsetkish 375,2 mıllıard teńge bolǵan. Almatydan keıingi orynda Nur-Sultan qalasy – 166,2 mıllıard teńge, odan bir jyl burynǵy kórsetkish 143,2 mıllıard teńge bolǵan.

Rıteıl boıynsha úzdik bestikke Shyǵys Qazaqstan, Qaraǵandy, Aqtóbe jáne Almaty oblystary enip otyr. Bólshek saýda eń az jasalǵan óńir – Túrkistan oblysy.

2019 jyldyń 12 aıynyń qorytyndysy boıynsha jyldyq ınflıatsııanyń resmı deńgeıi 5,3% -dy qurady. 2018 jyly jyldyq ınflıatsııa 6%, 2017 jyly 7,4%, 2016 jyly 14,6% bolǵan edi.