Qazaqstandyqtar jeke málimetterine qoljetimdilikti buǵattaı alady
«Jeke málimetterdiń qaýipsizdigin qamtamasyz etý úshin biz azamattar ózi týraly jeke aqparatty tolyqtaı baqylaı alatyn joba jasadyq. Basqasha aıtqanda, tipti HQO qyzmetkeri de jeke málimetterdi kóre almaıdy, operatorlar qandaı bir jeke málimetterge qol jetkizý úshin azamattardyń SMS ruqsatyn alýy tıis», - dep túsindirdi «Azamattarǵa arnalǵan úkimet» memlekettik korporatsııa basshysy Abylaıhan Ospanov.
Spıkerdiń aıtýynsha, bul - Azamattarǵa arnalǵan úkimet pen «Ulttyq aqparattyq tehnologııalar» AQ birlesken jobasy jáne ol eki kezeń boıynsha júzege asyrylady.
Birinshe kezeńde apta sońyna deıin elektrondyq úkimet portalyndaǵy jeke kabınetinde málimetterge qoljetimdilikke tyıym salý fýnktsııasy qosylady. Osy fýnktsııa arqyly portaldyń árbir qoldanýshysy jeke málimetterine qoljetimdilikti qosa alady nemese jaýyp tastaı alady.
Aıta keterligi, tyıym salý fýnktsııasyn tek jeke kabınet arqyly ǵana jasaýǵa bolady.
Ekinshi kezeń - jeke málimetterge qoljetimdilikti tyıý fýnktsııasyn óshirý úshin SMS qyzmetin iske qosý kerek. ıAǵnı eger qoljetimdilik buǵattalǵan bolsa, azamattyń JSN-nyń júıege engizgende HQO operatory qoljetimdilikti ashý týraly SMS-habarlama alady. Qyzmet alýshynyń SMS-ruqsatyn alǵan jaǵdaıda ǵana front-ofıs jumyskeri qandaı da bir memlekettik qyzmetti kórsete alady.
Sondaı-aq, Ospanov bul qyzmetti qoldaný úshin qyzmet alýshy mobıldi azamattar bazasyna tirkelýi qajettigin basa aıtty. Muny elektrondyq úkimet portalyndaǵy jeke kabınette nemese kez kelgen HQO-da jasaýǵa bolady.
